1ואחר באו משה ואהרן ויאמרו אל פרעה כה אמר יהוה אלהי ישראל שלח את עמי ויחגו לי במדבר׃stylus···2ויאמר פרעה מי יהוה אשר אשמע בקלו לשלח את ישראל לא ידעתי את יהוה וגם את ישראל לא אשלח׃stylus···3ויאמרו אלהי העברים נקרא עלינו נלכה נא דרך שלשת ימים במדבר ונזבחה ליהוה אלהינו פן יפגענו בדבר או בחרב׃stylus···4ויאמר אלהם מלך מצרים למה משה ואהרן תפריעו את העם ממעשיו לכו לסבלתיכם׃stylus···5ויאמר פרעה הן רבים עתה עם הארץ והשבתם אתם מסבלתם׃stylus···6ויצו פרעה ביום ההוא את הנגשים בעם ואת שטריו לאמר׃stylus···7לא תאספון לתת תבן לעם ללבן הלבנים כתמול שלשם הם ילכו וקששו להם תבן׃stylus···8ואת מתכנת הלבנים אשר הם עשים תמול שלשם תשימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו׃stylus···9תכבד העבדה על האנשים ויעשו בה ואל ישעו בדברי שקר׃stylus···10ויצאו נגשי העם ושטריו ויאמרו אל העם לאמר כה אמר פרעה אינני נתן לכם תבן׃stylus···11אתם לכו קחו לכם תבן מאשר תמצאו כי אין נגרע מעבדתכם דבר׃stylus···12ויפץ העם בכל ארץ מצרים לקשש קש לתבן׃stylus···13והנגשים אצים לאמר כלו מעשיכם דבר יום ביומו כאשר בהיות התבן׃stylus14ויכו שטרי בני ישראל אשר שמו עלהם נגשי פרעה לאמר מדוע לא כליתם חקכם ללבן כתמול שלשם גם תמול גם היום׃stylus···15ויבאו שטרי בני ישראל ויצעקו אל פרעה לאמר למה תעשה כה לעבדיך׃stylus16תבן אין נתן לעבדיך ולבנים אמרים לנו עשו והנה עבדיך מכים וחטאת עמך׃stylus17ויאמר נרפים אתם נרפים על כן אתם אמרים נלכה נזבחה ליהוה׃stylus···18ועתה לכו עבדו ותבן לא ינתן לכם ותכן לבנים תתנו׃stylus···19ויראו שטרי בני ישראל אתם ברע לאמר לא תגרעו מלבניכם דבר יום ביומו׃stylus···20ויפגעו את משה ואת אהרן נצבים לקראתם בצאתם מאת פרעה׃stylus21ויאמרו אלהם ירא יהוה עליכם וישפט אשר הבאשתם את ריחנו בעיני פרעה ובעיני עבדיו לתת חרב בידם להרגנו׃stylus···22וישב משה אל יהוה ויאמר אדני למה הרעתה לעם הזה למה זה שלחתני׃stylus···23ומאז באתי אל פרעה לדבר בשמך הרע לעם הזה והצל לא הצלת את עמך׃stylus···