1ויאמר יהוה אל משה ואל אהרן בארץ מצרים לאמר׃stylus2החדש הזה לכם ראש חדשים ראשון הוא לכם לחדשי השנה׃stylus···3דברו אל כל עדת ישראל לאמר בעשר לחדש הזה ויקחו להם איש שה לבית אבת שה לבית׃stylus···4ואם ימעט הבית מהית משה ולקח הוא ושכנו הקרב אל ביתו במכסת נפשת איש לפי אכלו תכסו על השה׃stylus5שה תמים זכר בן שנה יהיה לכם מן הכבשים ומן העזים תקחו׃stylus···6והיה לכם למשמרת עד ארבעה עשר יום לחדש הזה ושחטו אתו כל קהל עדת ישראל בין הערבים׃stylus···7ולקחו מן הדם ונתנו על שתי המזוזת ועל המשקוף על הבתים אשר יאכלו אתו בהם׃stylus···8ואכלו את הבשר בלילה הזה צלי אש ומצות על מררים יאכלהו׃stylus···9אל תאכלו ממנו נא ובשל מבשל במים כי אם צלי אש ראשו על כרעיו ועל קרבו׃stylus···10ולא תותירו ממנו עד בקר והנתר ממנו עד בקר באש תשרפו׃stylus···11וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה׃stylus···12ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשה שפטים אני יהוה׃stylus···13והיה הדם לכם לאת על הבתים אשר אתם שם וראיתי את הדם ופסחתי עלכם ולא יהיה בכם נגף למשחית בהכתי בארץ מצרים׃stylus···14והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃stylus···15שבעת ימים מצות תאכלו אך ביום הראשון תשביתו שאר מבתיכם כי כל אכל חמץ ונכרתה הנפש ההוא מישראל מיום הראשן עד יום השבעי׃stylus···16וביום הראשון מקרא קדש וביום השביעי מקרא קדש יהיה לכם כל מלאכה לא יעשה בהם אך אשר יאכל לכל נפש הוא לבדו יעשה לכם׃stylus···17ושמרתם את המצות כי בעצם היום הזה הוצאתי את צבאותיכם מארץ מצרים ושמרתם את היום הזה לדרתיכם חקת עולם׃stylus···18בראשן בארבעה עשר יום לחדש בערב תאכלו מצת עד יום האחד ועשרים לחדש בערב׃stylus···19שבעת ימים שאר לא ימצא בבתיכם כי כל אכל מחמצת ונכרתה הנפש ההוא מעדת ישראל בגר ובאזרח הארץ׃stylus···20כל מחמצת לא תאכלו בכל מושבתיכם תאכלו מצות׃stylus21ויקרא משה לכל זקני ישראל ויאמר אלהם משכו וקחו לכם צאן למשפחתיכם ושחטו הפסח׃stylus···22ולקחתם אגדת אזוב וטבלתם בדם אשר בסף והגעתם אל המשקוף ואל שתי המזוזת מן הדם אשר בסף ואתם לא תצאו איש מפתח ביתו עד בקר׃stylus···23ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף׃stylus···24ושמרתם את הדבר הזה לחק לך ולבניך עד עולם׃stylus···25והיה כי תבאו אל הארץ אשר יתן יהוה לכם כאשר דבר ושמרתם את העבדה הזאת׃stylus···26והיה כי יאמרו אליכם בניכם מה העבדה הזאת לכם׃stylus···27ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו׃stylus···28וילכו ויעשו בני ישראל כאשר צוה יהוה את משה ואהרן כן עשו׃stylus···29ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃stylus···30ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃stylus···31ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃stylus···32גם צאנכם גם בקרכם קחו כאשר דברתם ולכו וברכתם גם אתי׃stylus···33ותחזק מצרים על העם למהר לשלחם מן הארץ כי אמרו כלנו מתים׃stylus···34וישא העם את בצקו טרם יחמץ משארתם צררת בשמלתם על שכמם׃stylus···35ובני ישראל עשו כדבר משה וישאלו ממצרים כלי כסף וכלי זהב ושמלת׃stylus···36ויהוה נתן את חן העם בעיני מצרים וישאלום וינצלו את מצרים׃stylus···37ויסעו בני ישראל מרעמסס סכתה כשש מאות אלף רגלי הגברים לבד מטף׃stylus···38וגם ערב רב עלה אתם וצאן ובקר מקנה כבד מאד׃stylus···39ויאפו את הבצק אשר הוציאו ממצרים עגת מצות כי לא חמץ כי גרשו ממצרים ולא יכלו להתמהמה וגם צדה לא עשו להם׃stylus···40ומושב בני ישראל אשר ישבו במצרים שלשים שנה וארבע מאות שנה׃stylus···41ויהי מקץ שלשים שנה וארבע מאות שנה ויהי בעצם היום הזה יצאו כל צבאות יהוה מארץ מצרים׃stylus···42ליל שמרים הוא ליהוה להוציאם מארץ מצרים הוא הלילה הזה ליהוה שמרים לכל בני ישראל לדרתם׃stylus···43ויאמר יהוה אל משה ואהרן זאת חקת הפסח כל בן נכר לא יאכל בו׃stylus···44וכל עבד איש מקנת כסף ומלתה אתו אז יאכל בו׃stylus···45תושב ושכיר לא יאכל בו׃stylus···46בבית אחד יאכל לא תוציא מן הבית מן הבשר חוצה ועצם לא תשברו בו׃stylus···47כל עדת ישראל יעשו אתו׃stylus···48וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃stylus···49תורה אחת יהיה לאזרח ולגר הגר בתוככם׃stylus···50ויעשו כל בני ישראל כאשר צוה יהוה את משה ואת אהרן כן עשו׃stylus···51ויהי בעצם היום הזה הוציא יהוה את בני ישראל מארץ מצרים על צבאתם׃stylus···