1הוי מראה ונגאלה העיר היונה׃stylus···2לא שמעה בקול לא לקחה מוסר ביהוה לא בטחה אל אלהיה לא קרבה׃stylus···3שריה בקרבה אריות שאגים שפטיה זאבי ערב לא גרמו לבקר׃stylus···4נביאיה פחזים אנשי בגדות כהניה חללו קדש חמסו תורה׃stylus···5יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת׃stylus···6הכרתי גוים נשמו פנותם החרבתי חוצותם מבלי עובר נצדו עריהם מבלי איש מאין יושב׃stylus···7אמרתי אך תיראי אותי תקחי מוסר ולא יכרת מעונה כל אשר פקדתי עליה אכן השכימו השחיתו כל עלילותם׃stylus···8לכן חכו לי נאם יהוה ליום קומי לעד כי משפטי לאסף גוים לקבצי ממלכות לשפך עליהם זעמי כל חרון אפי כי באש קנאתי תאכל כל הארץ׃stylus···9כי אז אהפך אל עמים שפה ברורה לקרא כלם בשם יהוה לעבדו שכם אחד׃stylus···10מעבר לנהרי כוש עתרי בת פוצי יובלון מנחתי׃stylus···11ביום ההוא לא תבושי מכל עלילתיך אשר פשעת בי כי אז אסיר מקרבך עליזי גאותך ולא תוספי לגבהה עוד בהר קדשי׃stylus···12והשארתי בקרבך עם עני ודל וחסו בשם יהוה׃stylus···13שארית ישראל לא יעשו עולה ולא ידברו כזב ולא ימצא בפיהם לשון תרמית כי המה ירעו ורבצו ואין מחריד׃stylus···14רני בת ציון הריעו ישראל שמחי ועלזי בכל לב בת ירושלם׃stylus···15הסיר יהוה משפטיך פנה איבך מלך ישראל יהוה בקרבך לא תיראי רע עוד׃stylus···16ביום ההוא יאמר לירושלם אל תיראי ציון אל ירפו ידיך׃stylus···17יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה׃stylus···18נוגי ממועד אספתי ממך היו משאת עליה חרפה׃stylus···19הנני עשה את כל מעניך בעת ההיא והושעתי את הצלעה והנדחה אקבץ ושמתים לתהלה ולשם בכל הארץ בשתם׃stylus···20בעת ההיא אביא אתכם ובעת קבצי אתכם כי אתן אתכם לשם ולתהלה בכל עמי הארץ בשובי את שבותיכם לעיניכם אמר יהוה׃stylus···