1ועתה הסירו מכם כל רשע וכל מרמה וחנפה וקנאה וכל לשון רע׃stylus···2וכעללים אשר מקרוב נולדו התאוו לחלב השכלי והזך למען תגדלו בו׃stylus···3אם אמנם טעמתם כי טוב האדון׃stylus···4אשר נגשתם אליו אל אבן חיה אשר מאסו בה בני האדם והיא נבחרה ויקרה לאלהים׃stylus···5ונבניתם גם אתם כאבנים חיות לבית רוחני לכהנת קדש להעלות זבחי רוח לרצון לאלהים בישוע המשיח׃stylus···6וזה הוא שאמר הכתוב הנני יסד בציון אבן פנה אבן בחן ויקרה והמאמין בה לא יבוש׃stylus···7לכן לכם המאמינים היקר אבל לסוררים האבן אשר מאסו הבונים היתה לראש פנה ולאבן נגף ולצור מכשל׃stylus···8והם נכשלו יען לא שמעו לדבר ולזאת גם נועדו׃stylus···9ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃stylus···10אשר לפנים לא עם הייתם ועתה עם אלהים ואשר לפנים לא רחמו ועתה מרחמים׃stylus···11אהובים אזהירכם כגרים ותושבים הנזרו מתאות הבשר המתגרות בנפש׃stylus···12והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה׃stylus···13והכנעו לכל פקדת אדם בגלל האדון אם למלך כראוי לראש׃stylus···14אם למשלים כראוי לשלוחים מאתו לנקמת פעלי און ולתהלת עשי טוב׃stylus···15כי כן הוא חפץ אלהים אשר בעשותכם הטוב תסכרו את פי אולת האנשים אשר אין בם דעת׃stylus···16כחפשים ולא כאלו היתה לכם החפשה למכסה הרעה כי אם כעבדי אלהים׃stylus···17נהגו כבוד בכל איש אהבו את האחים יראו את אלהים כבדו את המלך׃stylus···18העבדים הכנעו לפני אדניכם בכל יראה לא לפני הטובים והענוים לבד כי אם גם לפני העקשים׃stylus···19כי חסד הוא לאיש אם ישבע ממררים ויענה חנם למען דעת האלהים׃stylus···20כי אם חטא תחטאו וסבלתם מכות אגרוף מה תתהללו אך אם תענו וסבלתם בעשותכם הטוב חסד הוא מלפני אלהים׃stylus···21כי לזאת נקראתם כי גם המשיח ענה בעבורכם והשאיר לכם מופת ללכת בעקבותיו׃stylus···22אשר חטא לא עשה ולא מרמה בפיו׃stylus···23אשר שמע חרפתו ולא השיב נענה ולא גער כי אם מסר דינו לשפט צדק ואת חטאתנו הוא נשא בגויתו על העץ׃stylus···24למען נחיה לצדקה מאחר שנפטרנו מן החטאים׃stylus···25אשר בחברתו נרפא לכם כי הייתם כצאן אבדות ועתה שבתם אל הרעה פקיד נפשתיכם׃stylus···