1וירד מן ההר וילך אחריו המון עם רב׃stylus···2והנה איש מצרע בא וישתחו לו ויאמר אדני אם תרצה תוכל לטהרני׃stylus···3וישלח ישוע את ידו ויגע בו ויאמר חפץ אנכי טהר ומיד נרפאה צרעתו׃stylus···4ויאמר אליו ישוע ראה פן תספר לאיש כי אם לך לך והראה אל הכהן והקרב את הקרבן אשר צוה משה לעדות להם׃stylus···5ויהי כבאו אל כפר נחום ויגש אליו שר מאה אחד ויתחנן לו לאמר׃stylus···6אדני הנה נערי נפל למשכב בביתי והוא נכה אברים ומענה עד מאד׃stylus···7ויאמר ישוע אליו אבא וארפאהו׃stylus···8ויען שר המאה ויאמר אדני נקלתי מבאך בצל קורתי אך דבר נא רק דבר ונרפא נערי׃stylus···9כי אנכי איש נתון תחת השלטון וגם יש תחת ידי אנשי צבא ואמרתי לזה לך והלך ולזה בוא ובא ולעבדי עשה זאת ועשה׃stylus···10וישמע ישוע ויתמה ויאמר אל ההלכים אחריו אמן אמר אני לכם גם בישראל לא מצאתי אמונה גדולה כזאת׃stylus···11ואני אמר לכם רבים יבאו ממזרח וממערב ויסבו עם אברהם ויצחק ויעקב במלכות השמים׃stylus···12אבל בני המלכות המה יגרשו אל החשך החיצון שם תהיה היללה וחרוק השנים׃stylus···13ויאמר ישוע אל שר המאה לך וכאמונתך כן יהיה לך וירפא נערו בשעה ההיא׃stylus···14ויבא ישוע ביתה פטרוס וירא את חמותו נפלת למשכב כי אחזתה הקדחת׃stylus···15ויגע בידה ותרף ממנה הקדחת ותקם ותשרתם׃stylus···16ויהי לעת ערב ויביאו אליו רבים אחוזי שדים ויגרש את הרוחות בדבר וירפא את כל החולים׃stylus···17למלאת את אשר דבר ישעיהו הנביא לאמר חלינו הוא נשא ומכאבינו סבלם׃stylus···18ויהי כראות ישוע המון עם רב סביבתיו ויצו לעבר משם אל עבר הים׃stylus···19ויגש אליו אחד הסופרים ויאמר אליו רבי אלכה אחריך אל כל אשר תלך׃stylus···20ויאמר אליו ישוע לשועלים יש חורי עפר ולעוף השמים קנים ובן האדם אין לו מקום להניח שם את ראשו׃stylus···21ואחר מן התלמידים אמר אליו אדני הניחה לי בראשונה ללכת ולקבר את אבי׃stylus···22ויאמר אליו ישוע לך אחרי והנח למתים לקבר את מתיהם׃stylus···23וירד אל האניה וירדו אתו תלמידיו׃stylus···24והנה סער גדול היה בים ותכסה האניה בגלים והוא ישן׃stylus···25ויגשו אליו תלמידיו ויעירו אותו לאמר הושיענו אדנינו אבדנו׃stylus···26ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃stylus···27ויתמהו האנשים ויאמרו מי אפוא הוא אמר גם הרוחות והים לו ישמעון׃stylus···28ויהי כבאו אל עבר הים אל ארץ הגרגשים ויפגשוהו שני אנשים אחוזי שדים יצאים מבתי הקברות והמה רגונים מאד עד אשר לא יכל איש לעבר בדרך ההוא׃stylus···29והנה הם צעקים לאמר מה לנו ולך ישוע בן האלהים הבאת הלם לענותנו בלא עתנו׃stylus···30ועדר חזירים רבים היה שם במרעה הרחק מהם׃stylus···31ויתחננו אליו השדים לאמר אם תגרשנו שלחנו בעדר החזירים׃stylus···32ויאמר אליהם לכו לכם ויצאו ויבאו בעדר החזירים והנה השתער כל עדר החזירים מן המורד על הים וימותו במים׃stylus···33וינוסו הרעים ויבאו העירה ויגידו את הכל ואת אשר נעשה לאחוזי השדים׃stylus···34והנה כל העיר יצאה לקראת ישוע וכראותם אתו ויבקשו ממנו לעבר מגבולם׃stylus···