1ואחרי מוצאי השבת כשהאיר לאחד בשבת באה מרים המגדלית ומרים האחרת לראות את הקבר׃stylus···2והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה׃stylus···3ויהי מראהו כברק ולבושו לבן כשלג׃stylus···4ומפחדו נבהלו השמרים ויהיו כמתים׃stylus···5ויען המלאך ויאמר אל הנשים אתן אל תיראן הן ידעתי כי את ישוע הנצלב אתן מבקשות׃stylus···6איננו פה כי קם כאשר אמר באנה ראינה את המקום אשר שכב שם האדון׃stylus···7ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃stylus···8ותמהרנה לצאת מן הקבר ביראה ובשמחה גדולה ותרצנה להגיד לתלמידיו׃stylus···9הנה הלכות להגיד לתלמידיו והנה ישוע נקרה אליהן ויאמר שלום לכן ותגשנה ותאחזנה ברגליו ותשתחוין לו׃stylus···10ויאמר אליהן ישוע אל תיראן לכנה והגדן לאחי וילכו הגלילה ושם יראוני׃stylus···11ויהי בלכתן והנה אנשים מן המשמר באו העירה ויגידו לראשי הכהנים את כל הנעשה׃stylus···12ויקהלו עם הזקנים ויתיעצו ויתנו כסף לרב אל אנשי הצבא לאמר׃stylus···13אמרו כי באו תלמידיו לילה ויגנבו אותו בהיותנו ישנים׃stylus···14ואם ישמע הדבר לפני ההגמון אנחנו נפיסהו והייתם בלי פחד׃stylus···15ויקחו את הכסף ויעשו כאשר למדו ותצא השמועה הזאת בין היהודים עד היום הזה׃stylus···16ועשתי עשר התלמידים הלכו הגלילה אל ההר אשר צום ישוע׃stylus···17ויהי כראותם אתו וישתחוו לו ומקצתם נחלקו בלבם׃stylus···18ויגש ישוע וידבר אליהם לאמר נתן לי כל שלטן בשמים ובארץ׃stylus···19לכו ועשו לתלמידים את כל הגוים וטבלתם אתם לשם האב והבן ורוח הקדש׃stylus···20ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃stylus···