1ויאמר אליהם אמן אמר אני לכם כי יש מן העמדים פה אשר לא יטעמו מות עד כי יראו מלכות האלהים באה בגבורה׃stylus···2ואחרי ששת ימים לקח ישוע את פטרוס ואת יעקב ואת יוחנן ויעלם על הר גבה אתו לבדם וישתנה לעיניהם׃stylus···3ובגדיו נהיו מזהירים לבנים מאד כשלג אשר לא יוכל כובס בארץ להלבין כמוהם׃stylus···4וירא אליהם אליהו ומשה מדברים עם ישוע׃stylus···5ויען פטרוס ויאמר אל ישוע רבי טוב היותנו פה נעשה נא שלש סכות לך אחת ולמשה אחת ולאליהו אחת׃stylus···6כי לא ידע מה ידבר כי היו נבהלים׃stylus···7ויהי ענן סוכך עליהם ויצא מן הענן קול אמר זה בני ידידי אליו שמעו׃stylus···8והמה הביטו כה וכה פתאם ולא ראו עוד איש בלתי את ישוע לבדו אתם׃stylus···9וירדו מן ההר ויזהירם לבלתי הגיד לאיש את אשר ראו עד כי יקום בן האדם מן המתים׃stylus···10וישמרו את הדבר בלבבם וידרשו לדעת מה היא התקומה מן המתים׃stylus···11וישאלהו לאמר מה זה אמרים הסופרים כי אליהו בוא יבוא בראשונה׃stylus···12ויען ויאמר להם הנה אליהו בא בראשונה וישיב את הכל ומה כתוב על בן האדם הלא כי יענה הרבה וימאס׃stylus···13אבל אמר אני לכם גם בא אליהו וגם עשו לו כרצונם כאשר כתוב עליו׃stylus···14ויהי כבואו אל התלמידים וירא עם רב סביבותם וסופרים מתוכחים אתם׃stylus···15וכל העם כראותם אתו כן תמהו וירוצי אליו וישאלו לו לשלום׃stylus···16וישאל את הסופרים מה אתם מתוכחים עמהם׃stylus···17ויען אחד מן העם ויאמר רבי הבאתי אליך את בני אשר רוח אלם בקרבו׃stylus···18והיה בכל מקום אשר יאחזהו הוא מרצץ אתו וירד רירו וחרק את שניו ויבש גופו ואמר אל תלמידיך לגרשו ולא יכלו׃stylus···19ויען ויאמר להם הוי דור בלתי מאמין עד מתי אהיה עמכם עד מתי אסבל אתכם הביאו אתו לפני׃stylus···20ויביאהו לפניו ויהי כאשר ראהו הרוח וירוצצנו פתאם ויפל ארצה ויתגולל ויורד רירו׃stylus···21וישאל את אביו כמה ימים היתה לו זאת ויאמר מימי נעוריו׃stylus···22ופעמים רבות הפיל אתו גם באש גם במים להאבידו אך אם יכל תוכל רחם עלינו ועזרנו׃stylus···23ויאמר אליו ישוע לאמר אם תוכל להאמין כל יוכל המאמין׃stylus···24ויתן אבי הילד את קלו בבכי ויאמר אני מאמין עזר נא לחסרון אמונתי׃stylus···25וירא ישוע את העם מתקבץ אליו ויגער ברוח הטמא לאמר רוח אלם וחרש אני מצוך צא ממנו ואל תסף לבוא בו עוד׃stylus···26ויצעק וירצץ אתו מאד ויצא ויהי כמת עד אשר אמרו רבים כי גוע׃stylus···27ויחזק ישוע בידו ויניעהו ויקם׃stylus···28ויהי כאשר בא הביתה וישאלהו תלמידיו בהיותם לבדם אתו מדוע אנחנו לא יכלנו לגרשו׃stylus···29ויאמר אליהם המין הזה יצא לא יצא כי אם בתפלה ובצום׃stylus···30ויצאו משם ויעברו בגליל ולא אבה להודע לאיש׃stylus···31כי היה מלמד את תלמידיו לאמר אליהם כי עתיד בן האדם להמסר בידי בני אדם ויהרגהו ואחרי אשר נהרג יקום ביום השלישי׃stylus···32והם לא הבינו את הדבר וייראו לשאל אותו׃stylus···33ויבא אל כפר נחום ובהיותו בבית וישאל אותם מה התוכחתם איש עם רעהו בדרך׃stylus···34ויחרישו כי התעשקו בדרך מי הוא הגדול בהם׃stylus···35וישב ויקרא אל שנים העשר ויאמר אליהם איש כי יחפץ להיות הראשון הוא יהיה האחרון לכלם ומשרת כלם׃stylus···36ויקח ילד ויעמידהו בתוכם ויחבקהו ויאמר להם׃stylus···37כל אשר יקבל בשמי ילד אחד כזה הוא מקבל אותי וכל אשר אותי יקבל איננו מקבל אותי כי אם את אשר שלחני׃stylus···38ויען יוחנן ויאמר אליו רבי ראינו איש מגרש שדים בשמך ואיננו הולך אחרינו ונכלאנו יען אשר לא הלך אחרינו׃stylus···39ויאמר ישוע אל תכלאהו כי אין איש עשה גבורה בשמי ויוכל במהרה לדבר בי רעה׃stylus···40כי כל אשר איננו נגדנו הוא בעדנו׃stylus···41כי כל המשקה אתכם כוס מים בשמי על אשר אתם למשיח אמן אמר אני לכם כי לא יאבד שכרו׃stylus···42וכל המכשיל אחד הקטנים המאמינים בי טוב לו שיתלה פלח רכב על צוארו והשלך בים׃stylus···43ואם ידך תכשילך קצץ אתה טוב לך לבוא קטע לחיים מהיות לך שתי ידים ותלך אל גיהנם אל האש אשר לא תכבה׃stylus···44אשר שם תולעתם לא תמות ואשם לא תכבה׃stylus45ואם רגלך תכשילך קצץ אתה טוב לך לבוא פסח לחיים מהיות לך שתי רגלים ותשלך לגיהנם אל האש אשר לא תכבה׃stylus···46אשר שם תולעתם לא תמות ואשם לא תכבה׃stylus47ואם עינך תכשילך עקר אתה טוב לך לבוא אל מלכות האלהים בעין אחת מהיות לך שתי עינים ותשלך לגיהנם׃stylus···48אשר שם תולעתם לא תמות ואשם לא תכבה׃stylus···49כי כל איש באש ימלח וכל קרבן במלח ימלח׃stylus···50טוב המלח ואם המלח יהיה תפל במה תתקנו אותו יהי לכם מלח בקרבכם ויהי שלום ביניכם׃stylus···