1ויאמר הכהן הגדול האמת הוא אשר דברו׃stylus···2ויען ויאמר אנשים אחים ואבות שמעו אלהי הכבוד נראה אל אברהם אבינו בהיותו בארם נהרים לפני שבתו בחרן׃stylus···3ויאמר אליו לך לך מארצך וממולדתך ובא אל הארץ אשר אראך׃stylus···4ויצא מארץ כשדים וישב בחרן ואחרי מות אביו העביר אתו משם אל הארץ הזאת אשר אתם ישבים בה עתה׃stylus···5ולא נתן לו נחלה בה אף לא מדרך כף רגל ויבטח לתתה לאחזה לו ולזרעו אחריו ועוד לא היה לו בן׃stylus···6ויאמר לו אלהים כי גר יהיה זרעו בארץ לא להם ועבדום וענו אתם ארבע מאות שנה׃stylus···7וגם את הגוי אשר יעבדו דן אנכי אמר אלהים ואחרי כן יצאו ויעבדוני במקום הזה׃stylus···8ויתן לו את ברית המילה ובכן הוליד את יצחק וימל אתו ביום השמיני ויצחק הוליד את יעקב ויעקב הוליד את שנים עשר האבות׃stylus···9ויקנאו האבות ביוסף וימכרו אותו מצרימה ואלהים היה עמו׃stylus···10ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃stylus···11ויהי רעב על כל ארץ מצרים וכנען וצרה גדולה ואבותינו לא מצאו אכל׃stylus···12וישמע יעקב כי יש שבר במצרים וישלח שמה את אבותינו בפעם הראשונה׃stylus···13ובפעם השנית התודע יוסף אל אחיו ומולדת יוסף נגלתה לפרעה׃stylus···14וישלח יוסף ויקרא ליעקב אביו ולכל משפחתו בשבעים וחמש נפש׃stylus···15וירד יעקב מצרימה וימת הוא ואבותינו׃stylus···16ויובאו שכמה ויושמו בקבר אשר קנה אברהם בכספו מיד בני חמור אבי שכם׃stylus···17ויהי כאשר קרבה עת ההבטחה אשר נשבע אלהים לאברהם ויגדל העם וירב במצרים׃stylus···18עד כי קם מלך אחר אשר לא ידע את יוסף׃stylus···19וזה התחכם למשפחתנו וירע לאבותינו ויצו אתם להשליך את עלליהם אל פני השדה לבלתי החיותם׃stylus···20בעת ההיא נולד משה ויהי טוב לאלהים ויהי אמון בבית אביו שלשה ירחים׃stylus···21וכאשר השלך אספה אתו בת פרעה ותגדלהו לה לבן׃stylus···22וילמד משה בכל חכמת מצרים ויהי גבור בדברים ובמעשים׃stylus···23ובמלאת לו ארבעים שנה עלה על לבו לפקד את אחיו בני ישראל׃stylus···24וירא איש אחד מעשק חנם ויושע לו ויקם נקמת המכה בהכותו את המצרי׃stylus···25ויחשב בלבבו כי יבינו אחיו אשר על ידו יתן האלהים להם תשועה והם לא הבינו׃stylus···26ויהי ביום השני ויבא בתוכם והם נצים ויבקש לעשות שלום ביניהם לאמר אנשים אחים אתם ולמה תעשקו איש את אחיו׃stylus···27והעשק את רעהו הדפו לאמר מי שמך לאיש שר ושפט עלינו׃stylus···28הלהרגני אתה אמר כאשר הרגת אתמל את המצרי׃stylus29ויברח משה על הדבר הזה ויהי גר בארץ מדין ויולד שם שני בנים׃stylus···30ובמלאת ארבעים שנה נראה אליו מלאך יהוה במדבר הר סיני בלבת אש מתוך הסנה׃stylus···31וירא משה ויתמה על המראה ובסורו לראות ויהי קול יהוה אליו׃stylus···32אנכי אלהי אבותיך אלהי אברהם אלהי יצחק ואלהי יעקב ויחרד משה ויירא מהביט׃stylus···33ויאמר אליו יהוה של נעליך מעל רגליך כי המקום אשר אתה עומד עליו אדמת קדש הוא׃stylus···34ראה ראיתי את עני עמי אשר במצרים ואת נאקתם שמעתי וארד להצילם ועתה לכה ואשלחך מצרימה׃stylus···35הוא משה אשר כחשו בו לאמר מי שמך לשר ושפט אתו שלח האלהים לשר וגאל ביד המלאך הנראה אליו בסנה׃stylus···36והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃stylus···37הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃stylus···38הוא אשר היה בקהל במדבר עם המלאך הדבר אליו בהר סיני ועם אבותינו ואשר קבל דברים חיים לתת לנו׃stylus···39הוא אשר אבותינו לא אבו לשמע לו כי אם מאסו אתו ולבבם פנה מצרימה׃stylus···40ויאמרו אל אהרן עשה לנו אלהים אשר ילכו לפנינו כי זה משה אשר העלנו מארץ מצרים לא ידענו מה היה לו׃stylus···41ויעשו עגל בימים ההם ויזבחו זבחים לאליל וישמחו במעשה ידיהם׃stylus···42ויפן מהם האלהים ויתנם לעבד את צבא השמים כאשר כתוב בספר הנביאים הזבחים ומנחה הגשתם לי במדבר ארבעים שנה בית ישראל׃stylus···43ונשאתם את סכת מלכם ואת כוכב אלהיכם רמפן הצלמים אשר עשיתם להשתחות להם והגליתי אתכם מהלאה לבבל׃stylus···44משכן העדות היה לאבותינו במדבר כאשר צוה המדבר אל משה לעשות אתו כתבנית אשר ראה׃stylus···45ואבותינו לקחהו וגם הביאהו אתם הם ויהושע ברשתם את ארצות הגוים אשר גרש אתם אלהים מפני אבותינו עד ימי דוד׃stylus···46והוא מצא חן בעיני אלהים וישאל למצא משכנות לאלהי יעקב׃stylus···47ושלמה בנה לו בית׃stylus···48אבל העליון לא ישכן בהיכלות מעשי ידים כאשר אמר הנביא׃stylus···49השמים כסאי והארץ הדם רגלי אי זה בית אשר תבנו לי אמר יהוה ואי זה מקום מנוחתי׃stylus···50הלא את כל אלה ידי עשתה׃stylus···51קשי ערף וערלי לב ואזנים ממרים הייתם תמיד ברוח הקדש כאבותיכם גם אתם׃stylus···52מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו׃stylus···53אתם אשר קבלתם את התורה על ידי מלאכות המלאכים ולא שמרתם אותה׃stylus···54ויהי כשמעם את אלה התרגזו בלבבם ויחרקו עליו שניהם׃stylus···55והוא מלא רוח הקדש ויבט השמימה וירא את כבוד אלהים ואת ישוע נצב לימין האלהים׃stylus···56ויאמר הנני ראה את השמים נפתחים ואת בן האדם נצב לימין האלהים׃stylus···57ויצעקו בקול גדול ויאטמו את אזניהם ויתנפלו עליו כלם יחד׃stylus···58וידחפהו חוצה לעיר ויסקלו אתו באבנים והעדים פשטו את בגדיהם לרגלי בחור אחד ושמו שאול׃stylus···59ויסקלו את אסטפנוס והוא משוע ואמר אדני ישוע קבל את רוחי׃stylus···60ויכרע על ברכיו ויצעק בקול גדול יהוה אל תשמר להם את החטא הזה ויהי אחרי דברו כדבר הזה ויישן׃stylus···