1ויאמר גם אל תלמידיו איש עשיר היה ולו פקיד על ביתו וילשינהו אליו באמרם כי מפזר הוא את קניניך׃stylus···2ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃stylus···3ויאמר הפקיד בלבו מה אעשה כי יקח אדני ממני את הפקדה לעדר לא אוכל ולשאל על הפתחים אני בוש׃stylus···4ידעתי מה אעשה למען יאספוני אל בתיהם בעת אוסר מפקדתי׃stylus···5ויקרא אל כל איש אשר נשה בהם אדניו וישאל את הראשון כמה אתה חיב לאדני׃stylus···6ויאמר מאת בתי שמן ויאמר אליו קח את שטרך ומהר שב וכתבת חמשים׃stylus···7ואל אחר אמר כמה אתה חיב ויאמר מאת כר חטים ויאמר קח את שטרך וכתב שמנים׃stylus···8וישבח האדון את פקיד העולה על אשר הערים לעשות כי בני העולם הזה ערומים הם בדורם מבני האור׃stylus···9וגם אני אמר לכם עשו לכם אהבים בממון העולה למען בעת כלתו יאספו אתכם אל משכנות עולם׃stylus···10הנאמן במעט מזער נאמן גם בהרבה והמעול במעט מזער מעול גם בהרבה׃stylus···11לכן אם בממון העולה לא הייתם נאמנים את האמתי מי יפקיד בידכם׃stylus···12ואם בדבר אשר לאחרים לא הייתם נאמנים את אשר לכם מי יתן לכם׃stylus···13אין עבד אשר יוכל לעבד שני אדנים כי ישנא את האחד ויאהב את האחר או ידבק באחד ואת האחר יבזה לא תוכלו עבד את האלהים ואת הממון׃stylus···14וישמעו כל זאת גם הפרושים אשר הם אהבי כסף וילעגו לו׃stylus···15ויאמר אליהם אתם הם המצטדקים לפני האדם ואלהים יודע את לבבכם כי הגבה באדם תועבה הוא לפני האלהים׃stylus···16התורה והנביאים עד יוחנן ומן אז והלאה בשורת מלכות האלהים וכל איש בחזקה יבוא בה׃stylus···17אבל נקל כי יעברו השמים והארץ מאשר יפל קוץ אחד מן התורה׃stylus···18כל איש המשלח את אשתו ולקח אחרת נאף הוא וכל הלקח את הגרושה מאישה נאף הוא׃stylus···19איש עשיר היה והוא לבוש ארגמן ושש ויתעגג וישמח יום יום׃stylus···20ואיש אביון ושמו לעזר משכב פתח שער ביתו והוא מלא אבעבעות׃stylus···21ויתאו לשבע מן הפרורים הנפלים מעל שלחן העשיר וגם הכלבים באו וילקו אבעבעותיו׃stylus···22ויהי כאשר מת האביון ויובל על ידי המלאכים אל חיק אברהם וימת גם העשיר ויקבר׃stylus···23ובהיותו במכאבות בשאול וישא את עיניו וירא את אברהם מרחוק ואת לעזר בחיקו׃stylus···24ויצעק ויאמר אבי אברהם חנני ושלח נא את לעזר ויטבל את קצה אצבעו במים למען קרר את לשוני כי עניתי במוקד הזה׃stylus···25ויאמר אברהם בני זכר כי לקחת טובך בחייך וגם לעזר לקח את הרעות ועתה הוא ינחם ואתה תצטער׃stylus···26ומלבד כל זאת שוחה גדולה מפסקת בינינו וביניכם לבלתי יוכלו עבור החפצים ללכת מפה אליכם ולבלתי יעברו משם אלינו׃stylus···27ויאמר אם כן אבי שאל אני מאתך כי תשלח אתו אל בית אבי׃stylus28כי יש לי חמשה אחים למען יעיד בהם פן יבאו גם הם אל מקום המעצבה הזה׃stylus···29ויאמר אברהם יש להם משה והנביאים אליהם ישמעון׃stylus···30ויאמר לא כן אבי אברהם אך אם ילך אליהם אחד מן המתים אז ישובו׃stylus···31ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃stylus···