1ואחרי כן הבדיל האדון עוד שבעים אחרים וישלחם לפניו שנים שנים אל כל עיר ומקום אשר בקש לבוא שמה׃stylus···2ויאמר להם הן הקציר רב והפעלים מעטים לכן התחננו אל אדון הקציר וישלח פעלים לקצירו׃stylus···3לכו נא הנני שלח אתכם ככבשים בין הזאבים׃stylus···4אל תשאו כיס ולא תרמיל ולא נעלים ואל תשאלו לשלום איש בדרך׃stylus···5ולכל בית אשר תבאו שם אמרו בראשונה שלום לבית הזה׃stylus···6והיה כי יהיה שם בן שלום ונח עליו שלומכם ואם לא אליכם ישוב׃stylus···7ובבית ההוא תשבו ותאכלו ותשתו משלהם כי שוה הפועל בשכרו אל תסעו מבית לבית׃stylus···8וכל עיר אשר תבאו בה וקבלו אתכם אכלו שם את אשר ישימו לפניכם׃stylus···9ורפאו את החולים אשר בקרבה ואמרו להם קרבה אליכם מלכות האלהים׃stylus···10וכל עיר אשר תבאו בה ולא יקבלו אתכם צאו לכם אל רחובותיה ואמרו׃stylus···11אף את עפר עירכם הנדבק ברגלינו ננערהו לכם אך ידע תדעו כי קרבה אליכם מלכות האלהים׃stylus···12אני אמר אלכים כי לסדום יקל ביום ההוא מן העיר ההיא׃stylus···13אוי לך כורזין אוי לך בית צידה כי הגבורות אשר נעשו בקרבכן אלו נעשו בצור ובצידון הלא כבר ישבו בשק ואפר ושבו׃stylus···14אכן לצור וצידון יקל בדין מכם׃stylus···15ואת כפר נחום אשר עד השמים התרוממת אל שאול תורדי׃stylus···16השומע אליכם אלי הוא שומע והבוזה אתכם אותי הוא בוזה והבוזה אותי הוא בוזה את אשר שלחני׃stylus···17וישובו השבעים בשמחה ויאמרו אדנינו גם השדים נכנעים לנו בשמך׃stylus···18ויאמר אליהם ראיתי את השטן נפל כברק מן השמים׃stylus···19הנה השלטתי אתכם לדרך על נחשים ועקרבים ועל כל גבורת האיב וכל דבר לא יזיק לכם׃stylus···20אך בזאת אל תשמחו כי נכנעים לכם הרוחות כי אם שמחו על אשר נכתבו שמותיכם בשמים׃stylus···21בשעה ההיא עלץ ישוע ברוח ויאמר אודך האב אדון השמים והארץ כי הסתרת את אלה מן החכמים והנבונים וגליתם לעללים הן אבי כי כן היה רצון מלפניך׃stylus···22הכל נמסר לי מאת אבי ואין יודע מי הוא הבן בלתי האב ומי הוא האב בלתי הבן ואשר יחפץ הבן לגלותו לו׃stylus···23ויפן אל תלמידיו לבדם ויאמר אשרי העינים הראות את אשר אתם ראים׃stylus···24כי אני אמר לכם נביאים ומלכים רבים חפצו לראות את אשר אתם ראים ולא ראו ולשמע את אשר אתם שמעים ולא שמעו׃stylus···25והנה אחד מבעלי התורה קם לנסותו ויאמר מורה מה אעשה ואירש חיי עולם׃stylus···26ויאמר אליו מה כתוב בתורה ואיך אתה קורא׃stylus···27ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך׃stylus···28ויאמר אליו כן השיבות עשה זאת וחיה׃stylus···29והוא חפץ להצטדק ויאמר אל ישוע ומי הוא רעי׃stylus···30ויען ישוע ויאמר איש אחד ירד מירושלים ליריחו ונפל בידי שדדים והם הפשיטהו וגם פצעהו ויעזבו אותו בין חיים למות וילכו להם׃stylus···31ויקר המקרה כי ירד כהן אחד בדרך ההוא וירא אתו ויעבר מעליו׃stylus···32וכן גם איש לוי פגע במקום ויגש וירא אתו ויעבר מעליו׃stylus···33ואיש שמרוני הלך בדרך ויבא עליו וירא אתו ויהמו רחמיו׃stylus···34ויגש אליו ויחבש את פצעיו ויסוכם בשמן ויין ויעלהו על בהמתו ויוליכהו אל המלון ויכלכלהו׃stylus···35ולמחרת בנסעו הוציא שני דינרים ויתנם לבעל המלון ויאמר כלכל אותו ואת אשר תוסיף עוד להוציא עליו אני בשובי אשלמנו לך׃stylus···36ועתה מי מאלה השלשה היה בעיניך הרע לנפל בידי השדדים׃stylus···37ויאמר העשה עמו את החסד ויאמר אליו ישוע לך ועשה כן גם אתה׃stylus···38ויהי בנסעם ויבא אל כפר אחד ואשה אחת ושמה מרתא אספה אותו אל ביתה׃stylus···39ולה היתה אחות ושמה מרים אשר ישבה לרגלי ישוע לשמע אל דברו׃stylus···40ומרתא יגעה ברב שרותה ותגש ותאמר הלא תשים על לבך אדני אשר אחותי עזבתני לשרת לבדי אמר נא אליה ותעזר לי׃stylus···41ויען ישוע ויאמר לה מרתא מרתא את דאגת ומבהלת על הרבה׃stylus···42אבל אחת היא מן הצרך ומרים בחרה לה החלק הטוב אשר לא יקח ממנה׃stylus···