1ואתה בן אדם הנבא על גוג ואמרת כה אמר אדני יהוה הנני אליך גוג נשיא ראש משך ותבל׃stylus···2ושבבתיך וששאתיך והעליתיך מירכתי צפון והבאותך על הרי ישראל׃stylus···3והכיתי קשתך מיד שמאולך וחציך מיד ימינך אפיל׃stylus···4על הרי ישראל תפול אתה וכל אגפיך ועמים אשר אתך לעיט צפור כל כנף וחית השדה נתתיך לאכלה׃stylus···5על פני השדה תפול כי אני דברתי נאם אדני יהוה׃stylus···6ושלחתי אש במגוג ובישבי האיים לבטח וידעו כי אני יהוה׃stylus···7ואת שם קדשי אודיע בתוך עמי ישראל ולא אחל את שם קדשי עוד וידעו הגוים כי אני יהוה קדוש בישראל׃stylus···8הנה באה ונהיתה נאם אדני יהוה הוא היום אשר דברתי׃stylus···9ויצאו ישבי ערי ישראל ובערו והשיקו בנשק ומגן וצנה בקשת ובחצים ובמקל יד וברמח ובערו בהם אש שבע שנים׃stylus···10ולא ישאו עצים מן השדה ולא יחטבו מן היערים כי בנשק יבערו אש ושללו את שלליהם ובזזו את בזזיהם נאם אדני יהוה׃stylus···11והיה ביום ההוא אתן לגוג מקום שם קבר בישראל גי העברים קדמת הים וחסמת היא את העברים וקברו שם את גוג ואת כל המונה וקראו גיא המון גוג׃stylus···12וקברום בית ישראל למען טהר את הארץ שבעה חדשים׃stylus···13וקברו כל עם הארץ והיה להם לשם יום הכבדי נאם אדני יהוה׃stylus···14ואנשי תמיד יבדילו עברים בארץ מקברים את העברים את הנותרים על פני הארץ לטהרה מקצה שבעה חדשים יחקרו׃stylus···15ועברו העברים בארץ וראה עצם אדם ובנה אצלו ציון עד קברו אתו המקברים אל גיא המון גוג׃stylus···16וגם שם עיר המונה וטהרו הארץ׃stylus17ואתה בן אדם כה אמר אדני יהוה אמר לצפור כל כנף ולכל חית השדה הקבצו ובאו האספו מסביב על זבחי אשר אני זבח לכם זבח גדול על הרי ישראל ואכלתם בשר ושתיתם דם׃stylus···18בשר גבורים תאכלו ודם נשיאי הארץ תשתו אילים כרים ועתודים פרים מריאי בשן כלם׃stylus···19ואכלתם חלב לשבעה ושתיתם דם לשכרון מזבחי אשר זבחתי לכם׃stylus20ושבעתם על שלחני סוס ורכב גבור וכל איש מלחמה נאם אדני יהוה׃stylus···21ונתתי את כבודי בגוים וראו כל הגוים את משפטי אשר עשיתי ואת ידי אשר שמתי בהם׃stylus···22וידעו בית ישראל כי אני יהוה אלהיהם מן היום ההוא והלאה׃stylus···23וידעו הגוים כי בעונם גלו בית ישראל על אשר מעלו בי ואסתר פני מהם ואתנם ביד צריהם ויפלו בחרב כלם׃stylus···24כטמאתם וכפשעיהם עשיתי אתם ואסתר פני מהם׃stylus···25לכן כה אמר אדני יהוה עתה אשיב את שבית יעקב ורחמתי כל בית ישראל וקנאתי לשם קדשי׃stylus···26ונשו את כלמתם ואת כל מעלם אשר מעלו בי בשבתם על אדמתם לבטח ואין מחריד׃stylus···27בשובבי אותם מן העמים וקבצתי אתם מארצות איביהם ונקדשתי בם לעיני הגוים רבים׃stylus···28וידעו כי אני יהוה אלהיהם בהגלותי אתם אל הגוים וכנסתים על אדמתם ולא אותיר עוד מהם שם׃stylus···29ולא אסתיר עוד פני מהם אשר שפכתי את רוחי על בית ישראל נאם אדני יהוה׃stylus···