1ויהי דבר יהוה אלי לאמר׃stylus2בן אדם שים פניך אל ירושלם והטף אל מקדשים והנבא אל אדמת ישראל׃stylus···3ואמרת לאדמת ישראל כה אמר יהוה הנני אליך והוצאתי חרבי מתערה והכרתי ממך צדיק ורשע׃stylus···4יען אשר הכרתי ממך צדיק ורשע לכן תצא חרבי מתערה אל כל בשר מנגב צפון׃stylus···5וידעו כל בשר כי אני יהוה הוצאתי חרבי מתערה לא תשוב עוד׃stylus···6ואתה בן אדם האנח בשברון מתנים ובמרירות תאנח לעיניהם׃stylus···7והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה׃stylus···8ויהי דבר יהוה אלי לאמר׃stylus9בן אדם הנבא ואמרת כה אמר אדני אמר חרב חרב הוחדה וגם מרוטה׃stylus···10למען טבח טבח הוחדה למען היה לה ברק מרטה או נשיש שבט בני מאסת כל עץ׃stylus···11ויתן אתה למרטה לתפש בכף היא הוחדה חרב והיא מרטה לתת אותה ביד הורג׃stylus···12זעק והילל בן אדם כי היא היתה בעמי היא בכל נשיאי ישראל מגורי אל חרב היו את עמי לכן ספק אל ירך׃stylus···13כי בחן ומה אם גם שבט מאסת לא יהיה נאם אדני יהוה׃stylus···14ואתה בן אדם הנבא והך כף אל כף ותכפל חרב שלישתה חרב חללים היא חרב חלל הגדול החדרת להם׃stylus···15למען למוג לב והרבה המכשלים על כל שעריהם נתתי אבחת חרב אח עשויה לברק מעטה לטבח׃stylus···16התאחדי הימיני השימי השמילי אנה פניך מעדות׃stylus···17וגם אני אכה כפי אל כפי והניחתי חמתי אני יהוה דברתי׃stylus···18ויהי דבר יהוה אלי לאמר׃stylus19ואתה בן אדם שים לך שנים דרכים לבוא חרב מלך בבל מארץ אחד יצאו שניהם ויד ברא בראש דרך עיר ברא׃stylus···20דרך תשים לבוא חרב את רבת בני עמון ואת יהודה בירושלם בצורה׃stylus···21כי עמד מלך בבל אל אם הדרך בראש שני הדרכים לקסם קסם קלקל בחצים שאל בתרפים ראה בכבד׃stylus···22בימינו היה הקסם ירושלם לשום כרים לפתח פה ברצח להרים קול בתרועה לשום כרים על שערים לשפך סללה לבנות דיק׃stylus···23והיה להם כקסום שוא בעיניהם שבעי שבעות להם והוא מזכיר עון להתפש׃stylus···24לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו׃stylus···25ואתה חלל רשע נשיא ישראל אשר בא יומו בעת עון קץ׃stylus···26כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל׃stylus···27עוה עוה עוה אשימנה גם זאת לא היה עד בא אשר לו המשפט ונתתיו׃stylus···28ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק׃stylus···29בחזות לך שוא בקסם לך כזב לתת אותך אל צוארי חללי רשעים אשר בא יומם בעת עון קץ׃stylus···30השב אל תערה במקום אשר נבראת בארץ מכרותיך אשפט אתך׃stylus···31ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃stylus···32לאש תהיה לאכלה דמך יהיה בתוך הארץ לא תזכרי כי אני יהוה דברתי׃stylus···