1ויאמר אלי בן אדם עמד על רגליך ואדבר אתך׃stylus···2ותבא בי רוח כאשר דבר אלי ותעמדני על רגלי ואשמע את מדבר אלי׃stylus···3ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה׃stylus···4והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה׃stylus···5והמה אם ישמעו ואם יחדלו כי בית מרי המה וידעו כי נביא היה בתוכם׃stylus···6ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה׃stylus···7ודברת את דברי אליהם אם ישמעו ואם יחדלו כי מרי המה׃stylus···8ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך׃stylus···9ואראה והנה יד שלוחה אלי והנה בו מגלת ספר׃stylus···10ויפרש אותה לפני והיא כתובה פנים ואחור וכתוב אליה קנים והגה והי׃stylus···