1ויהי דבר יהוה אלי לאמר׃stylus2בן אדם בתוך בית המרי אתה ישב אשר עינים להם לראות ולא ראו אזנים להם לשמע ולא שמעו כי בית מרי הם׃stylus···3ואתה בן אדם עשה לך כלי גולה וגלה יומם לעיניהם וגלית ממקומך אל מקום אחר לעיניהם אולי יראו כי בית מרי המה׃stylus···4והוצאת כליך ככלי גולה יומם לעיניהם ואתה תצא בערב לעיניהם כמוצאי גולה׃stylus···5לעיניהם חתר לך בקיר והוצאת בו׃stylus···6לעיניהם על כתף תשא בעלטה תוציא פניך תכסה ולא תראה את הארץ כי מופת נתתיך לבית ישראל׃stylus···7ואעש כן כאשר צויתי כלי הוצאתי ככלי גולה יומם ובערב חתרתי לי בקיר ביד בעלטה הוצאתי על כתף נשאתי לעיניהם׃stylus···8ויהי דבר יהוה אלי בבקר לאמר׃stylus9בן אדם הלא אמרו אליך בית ישראל בית המרי מה אתה עשה׃stylus···10אמר אליהם כה אמר אדני יהוה הנשיא המשא הזה בירושלם וכל בית ישראל אשר המה בתוכם׃stylus···11אמר אני מופתכם כאשר עשיתי כן יעשה להם בגולה בשבי ילכו׃stylus···12והנשיא אשר בתוכם אל כתף ישא בעלטה ויצא בקיר יחתרו להוציא בו פניו יכסה יען אשר לא יראה לעין הוא את הארץ׃stylus···13ופרשתי את רשתי עליו ונתפש במצודתי והבאתי אתו בבלה ארץ כשדים ואותה לא יראה ושם ימות׃stylus···14וכל אשר סביבתיו עזרה וכל אגפיו אזרה לכל רוח וחרב אריק אחריהם׃stylus···15וידעו כי אני יהוה בהפיצי אותם בגוים וזריתי אותם בארצות׃stylus···16והותרתי מהם אנשי מספר מחרב מרעב ומדבר למען יספרו את כל תועבותיהם בגוים אשר באו שם וידעו כי אני יהוה׃stylus···17ויהי דבר יהוה אלי לאמר׃stylus18בן אדם לחמך ברעש תאכל ומימיך ברגזה ובדאגה תשתה׃stylus···19ואמרת אל עם הארץ כה אמר אדני יהוה ליושבי ירושלם אל אדמת ישראל לחמם בדאגה יאכלו ומימיהם בשממון ישתו למען תשם ארצה ממלאה מחמס כל הישבים בה׃stylus···20והערים הנושבות תחרבנה והארץ שממה תהיה וידעתם כי אני יהוה׃stylus···21ויהי דבר יהוה אלי לאמר׃stylus22בן אדם מה המשל הזה לכם על אדמת ישראל לאמר יארכו הימים ואבד כל חזון׃stylus···23לכן אמר אליהם כה אמר אדני יהוה השבתי את המשל הזה ולא ימשלו אתו עוד בישראל כי אם דבר אליהם קרבו הימים ודבר כל חזון׃stylus···24כי לא יהיה עוד כל חזון שוא ומקסם חלק בתוך בית ישראל׃stylus···25כי אני יהוה אדבר את אשר אדבר דבר ויעשה לא תמשך עוד כי בימיכם בית המרי אדבר דבר ועשיתיו נאם אדני יהוה׃stylus···26ויהי דבר יהוה אלי לאמר׃stylus27בן אדם הנה בית ישראל אמרים החזון אשר הוא חזה לימים רבים ולעתים רחוקות הוא נבא׃stylus···28לכן אמר אליהם כה אמר אדני יהוה לא תמשך עוד כל דברי אשר אדבר דבר ויעשה נאם אדני יהוה׃stylus···