1ויתפלל יונה אל יהוה אלהיו ממעי הדגה׃stylus···2ויאמר קראתי מצרה לי אל יהוה ויענני מבטן שאול שועתי שמעת קולי׃stylus···3ותשליכני מצולה בלבב ימים ונהר יסבבני כל משבריך וגליך עלי עברו׃stylus···4ואני אמרתי נגרשתי מנגד עיניך אך אוסיף להביט אל היכל קדשך׃stylus···5אפפוני מים עד נפש תהום יסבבני סוף חבוש לראשי׃stylus···6לקצבי הרים ירדתי הארץ ברחיה בעדי לעולם ותעל משחת חיי יהוה אלהי׃stylus···7בהתעטף עלי נפשי את יהוה זכרתי ותבוא אליך תפלתי אל היכל קדשך׃stylus···8משמרים הבלי שוא חסדם יעזבו׃stylus···9ואני בקול תודה אזבחה לך אשר נדרתי אשלמה ישועתה ליהוה׃stylus···10ויאמר יהוה לדג ויקא את יונה אל היבשה׃stylus···