1וישוע הלך אל הר הזיתים׃stylus···2ויהי בבקר ויבא עוד אל המקדש וכל העם באו אליו וישב וילמדם׃stylus···3ויביאו הסופרים והפרושים אשה לפניו אשר נתפשה בשטותה ויעמידוה בתוך׃stylus4ויאמרו אליו רבי האשה הזאת נתפשה כשנטמאת בנאופיה׃stylus5ומשה צונו בתורה לסקל נשים כאלה ואתה מה תאמר׃stylus···6ואך לנסות אתו דברו זאת למצא עליו שטנה ויכף ישוע למטה ויתו באצבעו על הקרקע׃stylus···7ויהי כאשר הוסיפו לשאל אתו וישא את עיניו ויאמר אליהם מי בכם זך בלי פשע הוא ראשונה ידה בה אבן׃stylus···8ויכף שנית למטה ויתו על הקרקע׃stylus9ויהי כשמעם ויך לבם אתם ויצאו אחד אחד החוצה החל מן הזקנים ועד האחרונים ויותר ישוע לבדו והאשה נצבת בתוך׃stylus···10וישא ישוע את עיניו וירא כי אין איש בלתי האשה לבדה ויאמר אליה אשה איפה שטניך הכי הרשיעך איש׃stylus···11ותאמר לא אדני ויאמר לכן גם אני לא ארשיעך לכי לדרכך ואל תחטאי עוד׃stylus···12ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו׃stylus···13ויאמרו הפרושים על נשפך מעיד אתה עדותך איננה נאמנה׃stylus···14ויען ישוע ויאמר אליהם אף אם אעיד על נפשי עדותי נאמנה יען כי ידעתי מאין באתי ואנה אני הלך ואתם לא ידעתם מאין באתי ואנה אלך׃stylus···15אתם לפי הבשר תשפטו ואני לא אשפט איש׃stylus···16ואם אנכי אשפט משפטי אמת כי לא לבדי הנני כי אם אני והאב אשר שלחני׃stylus···17וגם בתורתכם כתוב כי עדות שני אנשים נאמנה היא׃stylus···18אני הוא המעיד עלי וגם האב אשר שלחני יעידני׃stylus···19ויאמרו אליו איו אביך ויען ישוע גם אתי גם את אבי לא ידעתם אלו אתי ידעתם כי עתה גם את אבי ידעתם׃stylus···20כדברים האלה דבר בבית האוצר בלמדו במקדש ולא תפשו איש כי לא בא עתו׃stylus···21ויוסף ישוע ויאמר אליהם אני הלך מזה ותבקשוני ובחטאתכם תמותו אל אשר אני הלך שמה אתם לא תוכלו לבוא׃stylus···22ויאמרו היהודים ההמת ימית את נפשו כי אמר אל אשר אני הולך שמה אתם לא תוכלו לבוא׃stylus···23ויאמר אליהם אתם הנכם מן התחתונים ואני מן העליונים אתם מן העולם הזה ואני אינני מן העולם הזה׃stylus···24לכן אמרתי אליכם כי תמותו בחטאיכם כי אם לא תאמינו כי אני הוא בחטאיכם תמותו׃stylus···25ויאמרו אליו מי זה אתה ויאמר אליהם ישוע מה שגם מראש דברתי אליכם׃stylus···26רבות עמי לדבר ולשפט עליכם אכן שלחי נאמן הוא ואשר שמעתי ממנו אתו אני מדבר אל העולם׃stylus···27והם לא התבוננו כי על האב אמר אליהם׃stylus···28אז אמר להם ישוע בעת תנשאו את בן האדם וידעתם כי אני הוא וכי אינני עשה דבר מנפשי כי אם כאשר למדני אבי אלה אדבר׃stylus···29ואשר שלח אתי הוא עמדי האב לא עזבני לבדד כי את הטוב בעיניו אני עשה תמיד׃stylus···30ויהי בדברו זאת ויאמינו בו רבים׃stylus···31ויאמר ישוע אל היהודים המאמינים בו אם תעמדו בדברי באמת תלמידי אתם׃stylus···32וידעתם את האמת והאמת תשימכם לבני חורין׃stylus···33ויענו אתו זרע אברהם נחנו ומעולם לא היינו לאיש לעבדים איכה תאמר בני חורין תהיו׃stylus···34ויען אתם ישוע אמן אמן אני אמר לכם כל עשה חטא עבד החטא הוא׃stylus···35והעבד לא ישכן בבית לעולם הבן ישכן לעולם׃stylus···36לכן אם הבן יעשה אתכם בני חורין חפשים באמת תהיו׃stylus···37ידעתי כי זרע אברהם אתם אבל אתם מבקשים להמיתני כי דברי לא יכן בתוככם׃stylus···38אני מדבר את אשר ראיתי אצל אבי ואתם עשים את אשר ראיתם אצל אביכם׃stylus···39ויענו ויאמרו אליו אבינו הוא אברהם ויאמר אליהם ישוע אלו הייתם בני אברהם כמעשי אברהם עשיתם׃stylus···40ועתה אתם מבקשים להמיתני איש דבר אליכם האמת אשר שמעתי מעם האלהים אברהם לא עשה כזאת׃stylus···41את מעשי אביכם אתם עשים ויאמרו אליו לא ילדי זנונים אנחנו יש לנו אב אחד הוא האלהים׃stylus···42ויאמר אליהם ישוע אלו אלהים הוא אביכם כי עתה אהבתם אתי כי אנכי יצאתי ובאתי מאת האלהים הן לא ממני באתי אך הוא שלחני׃stylus···43מדוע לא תבינו לשוני יען לא תוכלון לשמע את דברי׃stylus···44אתם מן אביכם השטן ולעשות את תאות אביכם חפצתם הוא רוצח נפש היה מראש ובאמת לא עמד כי אמת אין בו מדי דברי כזב משלו ידבר כי כזב הוא ואבי הכזב׃stylus···45ואני יען דברי האמת לא תאמינו לי׃stylus···46מי בכם על עון יוכיחני ואם אמת דברתי מדוע לא תאמינו לי׃stylus···47אשר מאת האלהים הוא ישמע את דברי האלהים על כן אתם לא שמעתם כי אינכם מאת האלהים׃stylus···48אז יענו היהודים ויאמרו אליו הלא הטבנו אשר דברנו כי שמרוני אתה ושד בך׃stylus···49ויען ישוע שד אין בי רק את אבי אני מכבד ואתם תבזוני׃stylus···50אכן לא אבקש את כבודי יש אחד אשר יבקש וישפט׃stylus···51אמן אמן אני אמר לכם אם ישמר איש את דברי לא יראה מות לנצח׃stylus···52ויאמרו אליו היהודים עתה ידענו כי שד בך הן אברהם והנביאים מתו ואתה אמרת אם ישמר איש את דברי לא יטעם מות לנצח׃stylus···53האתה גדול מאברהם אבינו אשר מת גם הנביאים מתו מה תעשה את עצמך׃stylus···54ויען ישוע אם אני מכבד את נפשי כבודי מאין אבי הוא המכבד אתי אשר תאמרו עליו כי הוא אלהיכם׃stylus···55ולא ידעתם אתו ואני ידעתיו ואם אמר לא ידעתי אתו אהיה כזב כמוכם אבל ידעתיו ואת דברו שמרתי׃stylus···56אברהם אביכם שש לראות את יומי וירא וישמח׃stylus···57ויאמרו אליו היהודים הנה אינך בן חמשים שנה ואת אברהם ראית׃stylus58ויאמר אליהם ישוע אמן אמן אני אמר לכם בטרם היות אברהם אני הוא׃stylus···59אז ירימו אבנים לרגם אתו וישוע התעלם ויצא מן המקדש ויעבר בתוכם עבור וחלוף׃stylus···