1לכו ונשובה אל יהוה כי הוא טרף וירפאנו יך ויחבשנו׃stylus···2יחינו מימים ביום השלישי יקמנו ונחיה לפניו׃stylus···3ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃stylus···4מה אעשה לך אפרים מה אעשה לך יהודה וחסדכם כענן בקר וכטל משכים הלך׃stylus···5על כן חצבתי בנביאים הרגתים באמרי פי ומשפטיך אור יצא׃stylus···6כי חסד חפצתי ולא זבח ודעת אלהים מעלות׃stylus···7והמה כאדם עברו ברית שם בגדו בי׃stylus···8גלעד קרית פעלי און עקבה מדם׃stylus···9וכחכי איש גדודים חבר כהנים דרך ירצחו שכמה כי זמה עשו׃stylus···10בבית ישראל ראיתי שעריריה שם זנות לאפרים נטמא ישראל׃stylus···11גם יהודה שת קציר לך בשובי שבות עמי׃stylus···