1ויהי אחר הדברים האלה חטאו משקה מלך מצרים והאפה לאדניהם למלך מצרים׃stylus···2ויקצף פרעה על שני סריסיו על שר המשקים ועל שר האופים׃stylus···3ויתן אתם במשמר בית שר הטבחים אל בית הסהר מקום אשר יוסף אסור שם׃stylus···4ויפקד שר הטבחים את יוסף אתם וישרת אתם ויהיו ימים במשמר׃stylus···5ויחלמו חלום שניהם איש חלמו בלילה אחד איש כפתרון חלמו המשקה והאפה אשר למלך מצרים אשר אסורים בבית הסהר׃stylus···6ויבא אליהם יוסף בבקר וירא אתם והנם זעפים׃stylus···7וישאל את סריסי פרעה אשר אתו במשמר בית אדניו לאמר מדוע פניכם רעים היום׃stylus···8ויאמרו אליו חלום חלמנו ופתר אין אתו ויאמר אלהם יוסף הלוא לאלהים פתרנים ספרו נא לי׃stylus···9ויספר שר המשקים את חלמו ליוסף ויאמר לו בחלומי והנה גפן לפני׃stylus···10ובגפן שלשה שריגם והיא כפרחת עלתה נצה הבשילו אשכלתיה ענבים׃stylus11וכוס פרעה בידי ואקח את הענבים ואשחט אתם אל כוס פרעה ואתן את הכוס על כף פרעה׃stylus···12ויאמר לו יוסף זה פתרנו שלשת השרגים שלשת ימים הם׃stylus···13בעוד שלשת ימים ישא פרעה את ראשך והשיבך על כנך ונתת כוס פרעה בידו כמשפט הראשון אשר היית משקהו׃stylus···14כי אם זכרתני אתך כאשר ייטב לך ועשית נא עמדי חסד והזכרתני אל פרעה והוצאתני מן הבית הזה׃stylus···15כי גנב גנבתי מארץ העברים וגם פה לא עשיתי מאומה כי שמו אתי בבור׃stylus···16וירא שר האפים כי טוב פתר ויאמר אל יוסף אף אני בחלומי והנה שלשה סלי חרי על ראשי׃stylus···17ובסל העליון מכל מאכל פרעה מעשה אפה והעוף אכל אתם מן הסל מעל ראשי׃stylus···18ויען יוסף ויאמר זה פתרנו שלשת הסלים שלשת ימים הם׃stylus···19בעוד שלשת ימים ישא פרעה את ראשך מעליך ותלה אותך על עץ ואכל העוף את בשרך מעליך׃stylus···20ויהי ביום השלישי יום הלדת את פרעה ויעש משתה לכל עבדיו וישא את ראש שר המשקים ואת ראש שר האפים בתוך עבדיו׃stylus···21וישב את שר המשקים על משקהו ויתן הכוס על כף פרעה׃stylus···22ואת שר האפים תלה כאשר פתר להם יוסף׃stylus···23ולא זכר שר המשקים את יוסף וישכחהו׃stylus···