1וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחות׃stylus···2וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרנים׃stylus···3והוא עבר לפניהם וישתחו ארצה שבע פעמים עד גשתו עד אחיו׃stylus···4וירץ עשו לקראתו ויחבקהו ויפל על צוארו וישקהו ויבכו׃stylus···5וישא את עיניו וירא את הנשים ואת הילדים ויאמר מי אלה לך ויאמר הילדים אשר חנן אלהים את עבדך׃stylus···6ותגשן השפחות הנה וילדיהן ותשתחוין׃stylus7ותגש גם לאה וילדיה וישתחוו ואחר נגש יוסף ורחל וישתחוו׃stylus8ויאמר מי לך כל המחנה הזה אשר פגשתי ויאמר למצא חן בעיני אדני׃stylus···9ויאמר עשו יש לי רב אחי יהי לך אשר לך׃stylus···10ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים ותרצני׃stylus···11קח נא את ברכתי אשר הבאת לך כי חנני אלהים וכי יש לי כל ויפצר בו ויקח׃stylus···12ויאמר נסעה ונלכה ואלכה לנגדך׃stylus13ויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאן׃stylus···14יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירה׃stylus···15ויאמר עשו אציגה נא עמך מן העם אשר אתי ויאמר למה זה אמצא חן בעיני אדני׃stylus···16וישב ביום ההוא עשו לדרכו שעירה׃stylus17ויעקב נסע סכתה ויבן לו בית ולמקנהו עשה סכת על כן קרא שם המקום סכות׃stylus···18ויבא יעקב שלם עיר שכם אשר בארץ כנען בבאו מפדן ארם ויחן את פני העיר׃stylus···19ויקן את חלקת השדה אשר נטה שם אהלו מיד בני חמור אבי שכם במאה קשיטה׃stylus···20ויצב שם מזבח ויקרא לו אל אלהי ישראל׃stylus···