1ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃stylus···2ויחר אף יעקב ברחל ויאמר התחת אלהים אנכי אשר מנע ממך פרי בטן׃stylus···3ותאמר הנה אמתי בלהה בא אליה ותלד על ברכי ואבנה גם אנכי ממנה׃stylus···4ותתן לו את בלהה שפחתה לאשה ויבא אליה יעקב׃stylus···5ותהר בלהה ותלד ליעקב בן׃stylus6ותאמר רחל דנני אלהים וגם שמע בקלי ויתן לי בן על כן קראה שמו דן׃stylus···7ותהר עוד ותלד בלהה שפחת רחל בן שני ליעקב׃stylus8ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃stylus···9ותרא לאה כי עמדה מלדת ותקח את זלפה שפחתה ותתן אתה ליעקב לאשה׃stylus···10ותלד זלפה שפחת לאה ליעקב בן׃stylus11ותאמר לאה בגד ותקרא את שמו גד׃stylus···12ותלד זלפה שפחת לאה בן שני ליעקב׃stylus13ותאמר לאה באשרי כי אשרוני בנות ותקרא את שמו אשר׃stylus···14וילך ראובן בימי קציר חטים וימצא דודאים בשדה ויבא אתם אל לאה אמו ותאמר רחל אל לאה תני נא לי מדודאי בנך׃stylus···15ותאמר לה המעט קחתך את אישי ולקחת גם את דודאי בני ותאמר רחל לכן ישכב עמך הלילה תחת דודאי בנך׃stylus···16ויבא יעקב מן השדה בערב ותצא לאה לקראתו ותאמר אלי תבוא כי שכר שכרתיך בדודאי בני וישכב עמה בלילה הוא׃stylus17וישמע אלהים אל לאה ותהר ותלד ליעקב בן חמישי׃stylus···18ותאמר לאה נתן אלהים שכרי אשר נתתי שפחתי לאישי ותקרא שמו יששכר׃stylus···19ותהר עוד לאה ותלד בן ששי ליעקב׃stylus20ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון׃stylus···21ואחר ילדה בת ותקרא את שמה דינה׃stylus···22ויזכר אלהים את רחל וישמע אליה אלהים ויפתח את רחמה׃stylus···23ותהר ותלד בן ותאמר אסף אלהים את חרפתי׃stylus···24ותקרא את שמו יוסף לאמר יסף יהוה לי בן אחר׃stylus···25ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃stylus···26תנה את נשי ואת ילדי אשר עבדתי אתך בהן ואלכה כי אתה ידעת את עבדתי אשר עבדתיך׃stylus···27ויאמר אליו לבן אם נא מצאתי חן בעיניך נחשתי ויברכני יהוה בגללך׃stylus···28ויאמר נקבה שכרך עלי ואתנה׃stylus···29ויאמר אליו אתה ידעת את אשר עבדתיך ואת אשר היה מקנך אתי׃stylus···30כי מעט אשר היה לך לפני ויפרץ לרב ויברך יהוה אתך לרגלי ועתה מתי אעשה גם אנכי לביתי׃stylus···31ויאמר מה אתן לך ויאמר יעקב לא תתן לי מאומה אם תעשה לי הדבר הזה אשובה ארעה צאנך אשמר׃stylus···32אעבר בכל צאנך היום הסר משם כל שה נקד וטלוא וכל שה חום בכשבים וטלוא ונקד בעזים והיה שכרי׃stylus···33וענתה בי צדקתי ביום מחר כי תבוא על שכרי לפניך כל אשר איננו נקד וטלוא בעזים וחום בכשבים גנוב הוא אתי׃stylus···34ויאמר לבן הן לו יהי כדברך׃stylus···35ויסר ביום ההוא את התישים העקדים והטלאים ואת כל העזים הנקדות והטלאת כל אשר לבן בו וכל חום בכשבים ויתן ביד בניו׃stylus···36וישם דרך שלשת ימים בינו ובין יעקב ויעקב רעה את צאן לבן הנותרת׃stylus37ויקח לו יעקב מקל לבנה לח ולוז וערמון ויפצל בהן פצלות לבנות מחשף הלבן אשר על המקלות׃stylus···38ויצג את המקלות אשר פצל ברהטים בשקתות המים אשר תבאן הצאן לשתות לנכח הצאן ויחמנה בבאן לשתות׃stylus39ויחמו הצאן אל המקלות ותלדן הצאן עקדים נקדים וטלאים׃stylus···40והכשבים הפריד יעקב ויתן פני הצאן אל עקד וכל חום בצאן לבן וישת לו עדרים לבדו ולא שתם על צאן לבן׃stylus41והיה בכל יחם הצאן המקשרות ושם יעקב את המקלות לעיני הצאן ברהטים ליחמנה במקלות׃stylus42ובהעטיף הצאן לא ישים והיה העטפים ללבן והקשרים ליעקב׃stylus43ויפרץ האיש מאד מאד ויהי לו צאן רבות ושפחות ועבדים וגמלים וחמרים׃stylus···