1ויהי רעב בארץ מלבד הרעב הראשון אשר היה בימי אברהם וילך יצחק אל אבימלך מלך פלשתים גררה׃stylus···2וירא אליו יהוה ויאמר אל תרד מצרימה שכן בארץ אשר אמר אליך׃stylus···3גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השבעה אשר נשבעתי לאברהם אביך׃stylus···4והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ׃stylus···5עקב אשר שמע אברהם בקלי וישמר משמרתי מצותי חקותי ותורתי׃stylus···6וישב יצחק בגרר׃stylus···7וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה היא׃stylus···8ויהי כי ארכו לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו׃stylus···9ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן אמות עליה׃stylus10ויאמר אבימלך מה זאת עשית לנו כמעט שכב אחד העם את אשתך והבאת עלינו אשם׃stylus···11ויצו אבימלך את כל העם לאמר הנגע באיש הזה ובאשתו מות יומת׃stylus···12ויזרע יצחק בארץ ההוא וימצא בשנה ההוא מאה שערים ויברכהו יהוה׃stylus···13ויגדל האיש וילך הלוך וגדל עד כי גדל מאד׃stylus···14ויהי לו מקנה צאן ומקנה בקר ועבדה רבה ויקנאו אתו פלשתים׃stylus···15וכל הבארת אשר חפרו עבדי אביו בימי אברהם אביו סתמום פלשתים וימלאום עפר׃stylus···16ויאמר אבימלך אל יצחק לך מעמנו כי עצמת ממנו מאד׃stylus···17וילך משם יצחק ויחן בנחל גרר וישב שם׃stylus18וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו׃stylus···19ויחפרו עבדי יצחק בנחל וימצאו שם באר מים חיים׃stylus···20ויריבו רעי גרר עם רעי יצחק לאמר לנו המים ויקרא שם הבאר עשק כי התעשקו עמו׃stylus···21ויחפרו באר אחרת ויריבו גם עליה ויקרא שמה שטנה׃stylus···22ויעתק משם ויחפר באר אחרת ולא רבו עליה ויקרא שמה רחבות ויאמר כי עתה הרחיב יהוה לנו ופרינו בארץ׃stylus···23ויעל משם באר שבע׃stylus···24וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃stylus···25ויבן שם מזבח ויקרא בשם יהוה ויט שם אהלו ויכרו שם עבדי יצחק באר׃stylus···26ואבימלך הלך אליו מגרר ואחזת מרעהו ופיכל שר צבאו׃stylus···27ויאמר אלהם יצחק מדוע באתם אלי ואתם שנאתם אתי ותשלחוני מאתכם׃stylus···28ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך׃stylus···29אם תעשה עמנו רעה כאשר לא נגענוך וכאשר עשינו עמך רק טוב ונשלחך בשלום אתה עתה ברוך יהוה׃stylus···30ויעש להם משתה ויאכלו וישתו׃stylus···31וישכימו בבקר וישבעו איש לאחיו וישלחם יצחק וילכו מאתו בשלום׃stylus···32ויהי ביום ההוא ויבאו עבדי יצחק ויגדו לו על אדות הבאר אשר חפרו ויאמרו לו מצאנו מים׃stylus···33ויקרא אתה שבעה על כן שם העיר באר שבע עד היום הזה׃stylus···34ויהי עשו בן ארבעים שנה ויקח אשה את יהודית בת בארי החתי ואת בשמת בת אילן החתי׃stylus···35ותהיין מרת רוח ליצחק ולרבקה׃stylus···