1ויהיו חיי שרה מאה שנה ועשרים שנה ושבע שנים שני חיי שרה׃stylus···2ותמת שרה בקרית ארבע הוא חברון בארץ כנען ויבא אברהם לספד לשרה ולבכתה׃stylus···3ויקם אברהם מעל פני מתו וידבר אל בני חת לאמר׃stylus···4גר ותושב אנכי עמכם תנו לי אחזת קבר עמכם ואקברה מתי מלפני׃stylus···5ויענו בני חת את אברהם לאמר לו׃stylus6שמענו אדני נשיא אלהים אתה בתוכנו במבחר קברינו קבר את מתך איש ממנו את קברו לא יכלה ממך מקבר מתך׃stylus···7ויקם אברהם וישתחו לעם הארץ לבני חת׃stylus···8וידבר אתם לאמר אם יש את נפשכם לקבר את מתי מלפני שמעוני ופגעו לי בעפרון בן צחר׃stylus···9ויתן לי את מערת המכפלה אשר לו אשר בקצה שדהו בכסף מלא יתננה לי בתוככם לאחזת קבר׃stylus···10ועפרון ישב בתוך בני חת ויען עפרון החתי את אברהם באזני בני חת לכל באי שער עירו לאמר׃stylus···11לא אדני שמעני השדה נתתי לך והמערה אשר בו לך נתתיה לעיני בני עמי נתתיה לך קבר מתך׃stylus···12וישתחו אברהם לפני עם הארץ׃stylus···13וידבר אל עפרון באזני עם הארץ לאמר אך אם אתה לו שמעני נתתי כסף השדה קח ממני ואקברה את מתי שמה׃stylus···14ויען עפרון את אברהם לאמר לו׃stylus15אדני שמעני ארץ ארבע מאת שקל כסף ביני ובינך מה הוא ואת מתך קבר׃stylus···16וישמע אברהם אל עפרון וישקל אברהם לעפרן את הכסף אשר דבר באזני בני חת ארבע מאות שקל כסף עבר לסחר׃stylus···17ויקם שדה עפרון אשר במכפלה אשר לפני ממרא השדה והמערה אשר בו וכל העץ אשר בשדה אשר בכל גבלו סביב׃stylus···18לאברהם למקנה לעיני בני חת בכל באי שער עירו׃stylus···19ואחרי כן קבר אברהם את שרה אשתו אל מערת שדה המכפלה על פני ממרא הוא חברון בארץ כנען׃stylus···20ויקם השדה והמערה אשר בו לאברהם לאחזת קבר מאת בני חת׃stylus···