1וידבר יהוה אל משה לאמר׃stylus2נקם נקמת בני ישראל מאת המדינים אחר תאסף אל עמיך׃stylus···3וידבר משה אל העם לאמר החלצו מאתכם אנשים לצבא ויהיו על מדין לתת נקמת יהוה במדין׃stylus···4אלף למטה אלף למטה לכל מטות ישראל תשלחו לצבא׃stylus···5וימסרו מאלפי ישראל אלף למטה שנים עשר אלף חלוצי צבא׃stylus6וישלח אתם משה אלף למטה לצבא אתם ואת פינחס בן אלעזר הכהן לצבא וכלי הקדש וחצצרות התרועה בידו׃stylus···7ויצבאו על מדין כאשר צוה יהוה את משה ויהרגו כל זכר׃stylus···8ואת מלכי מדין הרגו על חלליהם את אוי ואת רקם ואת צור ואת חור ואת רבע חמשת מלכי מדין ואת בלעם בן בעור הרגו בחרב׃stylus···9וישבו בני ישראל את נשי מדין ואת טפם ואת כל בהמתם ואת כל מקנהם ואת כל חילם בזזו׃stylus···10ואת כל עריהם במושבתם ואת כל טירתם שרפו באש׃stylus···11ויקחו את כל השלל ואת כל המלקוח באדם ובבהמה׃stylus···12ויבאו אל משה ואל אלעזר הכהן ואל עדת בני ישראל את השבי ואת המלקוח ואת השלל אל המחנה אל ערבת מואב אשר על ירדן ירחו׃stylus···13ויצאו משה ואלעזר הכהן וכל נשיאי העדה לקראתם אל מחוץ למחנה׃stylus···14ויקצף משה על פקודי החיל שרי האלפים ושרי המאות הבאים מצבא המלחמה׃stylus···15ויאמר אליהם משה החייתם כל נקבה׃stylus···16הן הנה היו לבני ישראל בדבר בלעם למסר מעל ביהוה על דבר פעור ותהי המגפה בעדת יהוה׃stylus···17ועתה הרגו כל זכר בטף וכל אשה ידעת איש למשכב זכר הרגו׃stylus···18וכל הטף בנשים אשר לא ידעו משכב זכר החיו לכם׃stylus···19ואתם חנו מחוץ למחנה שבעת ימים כל הרג נפש וכל נגע בחלל תתחטאו ביום השלישי וביום השביעי אתם ושביכם׃stylus···20וכל בגד וכל כלי עור וכל מעשה עזים וכל כלי עץ תתחטאו׃stylus···21ויאמר אלעזר הכהן אל אנשי הצבא הבאים למלחמה זאת חקת התורה אשר צוה יהוה את משה׃stylus···22אך את הזהב ואת הכסף את הנחשת את הברזל את הבדיל ואת העפרת׃stylus23כל דבר אשר יבא באש תעבירו באש וטהר אך במי נדה יתחטא וכל אשר לא יבא באש תעבירו במים׃stylus···24וכבסתם בגדיכם ביום השביעי וטהרתם ואחר תבאו אל המחנה׃stylus···25ויאמר יהוה אל משה לאמר׃stylus26שא את ראש מלקוח השבי באדם ובבהמה אתה ואלעזר הכהן וראשי אבות העדה׃stylus27וחצית את המלקוח בין תפשי המלחמה היצאים לצבא ובין כל העדה׃stylus···28והרמת מכס ליהוה מאת אנשי המלחמה היצאים לצבא אחד נפש מחמש המאות מן האדם ומן הבקר ומן החמרים ומן הצאן׃stylus···29ממחציתם תקחו ונתתה לאלעזר הכהן תרומת יהוה׃stylus···30וממחצת בני ישראל תקח אחד אחז מן החמשים מן האדם מן הבקר מן החמרים ומן הצאן מכל הבהמה ונתתה אתם ללוים שמרי משמרת משכן יהוה׃stylus···31ויעש משה ואלעזר הכהן כאשר צוה יהוה את משה׃stylus32ויהי המלקוח יתר הבז אשר בזזו עם הצבא צאן שש מאות אלף ושבעים אלף וחמשת אלפים׃stylus33ובקר שנים ושבעים אלף׃stylus34וחמרים אחד וששים אלף׃stylus35ונפש אדם מן הנשים אשר לא ידעו משכב זכר כל נפש שנים ושלשים אלף׃stylus36ותהי המחצה חלק היצאים בצבא מספר הצאן שלש מאות אלף ושלשים אלף ושבעת אלפים וחמש מאות׃stylus37ויהי המכס ליהוה מן הצאן שש מאות חמש ושבעים׃stylus38והבקר ששה ושלשים אלף ומכסם ליהוה שנים ושבעים׃stylus39וחמרים שלשים אלף וחמש מאות ומכסם ליהוה אחד וששים׃stylus40ונפש אדם ששה עשר אלף ומכסם ליהוה שנים ושלשים נפש׃stylus41ויתן משה את מכס תרומת יהוה לאלעזר הכהן כאשר צוה יהוה את משה׃stylus···42וממחצית בני ישראל אשר חצה משה מן האנשים הצבאים׃stylus43ותהי מחצת העדה מן הצאן שלש מאות אלף ושלשים אלף שבעת אלפים וחמש מאות׃stylus44ובקר ששה ושלשים אלף׃stylus45וחמרים שלשים אלף וחמש מאות׃stylus46ונפש אדם ששה עשר אלף׃stylus47ויקח משה ממחצת בני ישראל את האחז אחד מן החמשים מן האדם ומן הבהמה ויתן אתם ללוים שמרי משמרת משכן יהוה כאשר צוה יהוה את משה׃stylus···48ויקרבו אל משה הפקדים אשר לאלפי הצבא שרי האלפים ושרי המאות׃stylus49ויאמרו אל משה עבדיך נשאו את ראש אנשי המלחמה אשר בידנו ולא נפקד ממנו איש׃stylus···50ונקרב את קרבן יהוה איש אשר מצא כלי זהב אצעדה וצמיד טבעת עגיל וכומז לכפר על נפשתינו לפני יהוה׃stylus···51ויקח משה ואלעזר הכהן את הזהב מאתם כל כלי מעשה׃stylus···52ויהי כל זהב התרומה אשר הרימו ליהוה ששה עשר אלף שבע מאות וחמשים שקל מאת שרי האלפים ומאת שרי המאות׃stylus53אנשי הצבא בזזו איש לו׃stylus···54ויקח משה ואלעזר הכהן את הזהב מאת שרי האלפים והמאות ויבאו אתו אל אהל מועד זכרון לבני ישראל לפני יהוה׃stylus···