1ובחדש השביעי באחד לחדש מקרא קדש יהיה לכם כל מלאכת עבדה לא תעשו יום תרועה יהיה לכם׃stylus···2ועשיתם עלה לריח ניחח ליהוה פר בן בקר אחד איל אחד כבשים בני שנה שבעה תמימם׃stylus···3ומנחתם סלת בלולה בשמן שלשה עשרנים לפר שני עשרנים לאיל׃stylus4ועשרון אחד לכבש האחד לשבעת הכבשים׃stylus5ושעיר עזים אחד חטאת לכפר עליכם׃stylus···6מלבד עלת החדש ומנחתה ועלת התמיד ומנחתה ונסכיהם כמשפטם לריח ניחח אשה ליהוה׃stylus···7ובעשור לחדש השביעי הזה מקרא קדש יהיה לכם ועניתם את נפשתיכם כל מלאכה לא תעשו׃stylus···8והקרבתם עלה ליהוה ריח ניחח פר בן בקר אחד איל אחד כבשים בני שנה שבעה תמימם יהיו לכם׃stylus···9ומנחתם סלת בלולה בשמן שלשה עשרנים לפר שני עשרנים לאיל האחד׃stylus···10עשרון עשרון לכבש האחד לשבעת הכבשים׃stylus11שעיר עזים אחד חטאת מלבד חטאת הכפרים ועלת התמיד ומנחתה ונסכיהם׃stylus···12ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃stylus···13והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃stylus···14ומנחתם סלת בלולה בשמן שלשה עשרנים לפר האחד לשלשה עשר פרים שני עשרנים לאיל האחד לשני האילם׃stylus15ועשרון עשרון לכבש האחד לארבעה עשר כבשים׃stylus16ושעיר עזים אחד חטאת מלבד עלת התמיד מנחתה ונסכה׃stylus17וביום השני פרים בני בקר שנים עשר אילם שנים כבשים בני שנה ארבעה עשר תמימם׃stylus···18ומנחתם ונסכיהם לפרים לאילם ולכבשים במספרם כמשפט׃stylus···19ושעיר עזים אחד חטאת מלבד עלת התמיד ומנחתה ונסכיהם׃stylus···20וביום השלישי פרים עשתי עשר אילם שנים כבשים בני שנה ארבעה עשר תמימם׃stylus21ומנחתם ונסכיהם לפרים לאילם ולכבשים במספרם כמשפט׃stylus22ושעיר חטאת אחד מלבד עלת התמיד ומנחתה ונסכה׃stylus···23וביום הרביעי פרים עשרה אילם שנים כבשים בני שנה ארבעה עשר תמימם׃stylus24מנחתם ונסכיהם לפרים לאילם ולכבשים במספרם כמשפט׃stylus25ושעיר עזים אחד חטאת מלבד עלת התמיד מנחתה ונסכה׃stylus···26וביום החמישי פרים תשעה אילם שנים כבשים בני שנה ארבעה עשר תמימם׃stylus27ומנחתם ונסכיהם לפרים לאילם ולכבשים במספרם כמשפט׃stylus28ושעיר חטאת אחד מלבד עלת התמיד ומנחתה ונסכה׃stylus29וביום הששי פרים שמנה אילם שנים כבשים בני שנה ארבעה עשר תמימם׃stylus30ומנחתם ונסכיהם לפרים לאילם ולכבשים במספרם כמשפט׃stylus31ושעיר חטאת אחד מלבד עלת התמיד מנחתה ונסכיה׃stylus32וביום השביעי פרים שבעה אילם שנים כבשים בני שנה ארבעה עשר תמימם׃stylus33ומנחתם ונסכהם לפרים לאילם ולכבשים במספרם כמשפטם׃stylus34ושעיר חטאת אחד מלבד עלת התמיד מנחתה ונסכה׃stylus35ביום השמיני עצרת תהיה לכם כל מלאכת עבדה לא תעשו׃stylus···36והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃stylus37מנחתם ונסכיהם לפר לאיל ולכבשים במספרם כמשפט׃stylus38ושעיר חטאת אחד מלבד עלת התמיד ומנחתה ונסכה׃stylus39אלה תעשו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשלמיכם׃stylus···40ויאמר משה אל בני ישראל ככל אשר צוה יהוה את משה׃stylus···