1Då no Jesus fekk vita at farisæarane hadde høyrt han vann fleire læresveinar og døypte fleire enn Johannesstylus···2- endå det var ikkje Jesus sjølv som døypte, men læresveinarne hans -stylus···3so tok han ut frå Judæa og for til Galilæa att.stylus···4Han laut fara gjenom Samaria,stylus···5og kom då til ein by i Samaria som heiter Sykar og ligg tett ved den marki som Jakob gav Josef, son sin.stylus···6Der var Jakobs-kjelda. Jesus var trøytt etter ferdi, og sette seg beint ned der innmed kjelda; det var ikring den sette timen.stylus···7Då kjem det ei kvinna frå Samaria og vil draga upp vatn. Jesus segjer til henne: «Lat meg få drikka!»stylus···8For læresveinarne hans hadde gjenge inn til byen og skulde kjøpa mat.stylus···9«Korleis hev det seg,» segjer den samaritanske kvinna, «at du, som er jøde, bed meg, ei samaritansk kvinna, um drikka?» - for jødarne hev ikkje nokoslag samlag med samaritanarne.stylus···10Jesus svara: «Dersom du kjende Guds gåva, og visste kven han er, han som bed deg um drikka, so bad du honom, og han gav deg livande vatn.»stylus···11«Herre,» segjer kvinna, «du hev ingen ting å draga upp med, og brunnen er djup! Kvar hev du då det livande vatnet frå?stylus···12Er då du større enn Jakob, ættfaren vår, som hev gjeve oss brunnen? han hev sjølv drukke av honom, og sønerne og feet hans med.»stylus···13Jesus svara: «Kvar den som drikk av dette vatnet, vert tyrst att,stylus···14men den som drikk av det vatnet eg vil gjeva honom, vert aldri tyrst meir; for det vatnet eg gjev honom, vert i honom til ei kjelda med vatn som vell upp til ævelegt liv.»stylus···15«Herre,» sagde kvinna, «gjev meg det vatnet, so eg ikkje vert tyrst meir, og ikkje treng koma alt hit og draga upp vatn!»stylus···16Han segjer til henne: «Gakk og henta mannen din, og kom hit att!»stylus···17«Eg hev ingen mann,» svara kvinna. «Det er rett som du segjer, at du ikkje hev nokon mann,» sagde Jesus;stylus18«for du hev havt fem menner, og den du hev no, er ikkje din mann. No sagde du sant.»stylus···19«Herre, eg ser at du er ein profet!» sagde kvinna.stylus···20«Federne våre tilbad Gud på dette fjellet, og de segjer at det er i Jerusalem ein skal tilbeda honom.»stylus···21Jesus segjer til henne: «Tru meg, kvinna; det kjem ei tid då de ikkje skal tilbeda Faderen på dette fjellet og ikkje i Jerusalem heller.stylus···22De tilbed det de ikkje kjenner, me tilbed det me kjenner; for frelsa kjem frå jødarne.stylus···23Men det kjem ei tid, og ho hev alt kome, då dei rette tilbedarane skal tilbeda Faderen i ånd og sanning; for slike tilbedarar er det Faderen vil hava.stylus···24Gud er ånd, og dei som tilbed honom, lyt tilbeda i ånd og sanning.»stylus···25Kvinna segjer til honom: «Eg veit at Messias kjem» - Messias er det same som Kristus -; «når han kjem, skal han læra oss alt.»stylus···26Jesus segjer til henne: «Det er eg - eg som talar med deg.»stylus···27I det same kom læresveinarne hans. Dei undra seg yver at han tala med ei kvinna; like vel var det ingen som sagde: «Kva vil du henne?» eller: «Kvi talar du med henne?»stylus···28So let kvinna vatskrukka si standa, og gjekk av stad til byen og sagde til folki:stylus···29«Kom, so skal de sjå ein mann som hev sagt meg alt eg hev gjort! Skal tru han er Messias?»stylus···30Då gjekk dei ut or byen. Med dei var på vegen til honom,stylus···31bad læresveinarne honom: «Et, rabbi!»stylus···32Han svara: «Eg hev ein mat som ikkje de veit um.»stylus···33Då sagde læresveinarne seg imillom: «Tru nokon hev bore mat til honom?»stylus···34Jesus segjer til deim: «Min mat er at eg gjer det han vil som sende meg, og fullfører hans verk.stylus···35Segjer ikkje de: «Det er endå fire månader fyrr hausten kjem?» Men høyr kva eg segjer dykk: Lyft upp augo dykkar og skoda åkrane, korleis dei alt gulnar mot hausten.stylus···36Den som haustar fær løn, og samlar grøda til ævelegt liv, so dei skal få gleda seg saman både den som sår og den som haustar.stylus···37For her høver det ordet: «Det er ein som sår og ein annan som haustar.»stylus···38Eg hev sendt dykk ut til å hausta det som de ikkje hev havt noko arbeidt med; andre hev havt arbeidet, og de hev gjenge inn i arbeidet deira.»stylus···39Det var mange av samaritanarne frå den byen som trudde på honom for det som kvinna hadde sagt då ho vitna: «Han hev sagt meg alt eg hev gjort!»stylus···40Då no samaritanarne kom til honom, bad dei at han vilde vera hjå deim, og han vart verande der tvo dagar.stylus···41Og mange fleire trudde for skuld ordet han tala,stylus···42og dei sagde til kvinna: «No trur me ’kje lenger for skuld det du hev tala; for me hev sjølve høyrt honom og veit no for visst at han er den som skal frelsa verdi.»stylus···43Då dei tvo dagarne var lidne, tok han ut derifrå og for til Galilæa;stylus···44for Jesus vitna sjølv at ein profet vert ikkje æra i sitt eige fedreland.stylus···45Då han no kom til Galilæa, tok galilæarane vel imot honom; dei hadde set alt det han gjorde i Jerusalem på høgtidi; for dei var sjølve komne til høgtidi.stylus···46So kom han då atter til Kana i Galilæa, der han hadde gjort vatn til vin. I Kapernaum var det ein kongsmann som hadde ein sjuk son.stylus···47Då han fekk høyra at Jesus hadde teke ut frå Judæa og var komen til Galilæa, gjekk han til honom og bad at han vilde koma ned og lækja son hans; for han låg på det siste.stylus···48Jesus svara: «Ser de ’kje teikn og under, so trur de ikkje.»stylus···49Kongsmannen segjer til honom: «Herre, kom ned innan barnet mitt døyr!»stylus···50Jesus segjer til honom: «Gakk heim att! Son din liver.» Mannen trudde det Jesus sagde til honom og gjekk.stylus···51Då han alt var på heimvegen, kom tenarane hans imot honom og sagde at guten hans livde.stylus···52So spurde han deim kva tid det hadde vorte betre med honom. «I går den sjuande timen slepte sotti honom,» sagde dei.stylus53Då skyna faren at det var i den same timen som Jesus hadde sagt til honom: «Son din liver,» og han trudde, både han og heile hans hus.stylus···54Dette var det andre teiknet Jesus gjorde då han no atter kom frå Judæa til Galilæa.stylus···