Esekiel 27

3Og du skal segja til Tyrus som bur attmed innlaupet frå havet, som handlar med folkeslagi på mange havstrender: So segjer Herren, Herren: Tyrus, du segjer: «Storfager er eg og frid.»

Esekiel 27:4, Esekiel 27:4, Åpenbaringen 18:11, Åpenbaringen 18:15, Esekiel 27:10

4I havsens hjarta er dine landskil, dei som bygde deg, gjorde deg storfager.

Esekiel 26:5, Esekiel 26:5

5Av cypresstre frå Senir bygde dei alt plankeverket på deg. Cedertre frå Libanon tok dei og gjorde til mastr på deg.

5. Mosebok 3:9, 5. Mosebok 3:9, Høysangen 4:8, Jesaja 14:8, Høysangen 4:8

6Av eik frå Basan gjorde dei årarne dine. Dekket ditt gjorde dei av filsbein, innlagt i buskbom frå Kittim-øyarne.

Jesaja 2:13, 1. Mosebok 10:4, Jesaja 2:13, 1. Mosebok 10:4, Sakarja 11:2

7Manglita linty frå Egyptarland hadde du til segl, til å vera ditt merke, blått og purpurraudt ty frå Elisa-øyarne var ditt soltjeld.

2. Mosebok 25:4, Jeremia 10:9, 2. Mosebok 25:4, Jeremia 10:9, Jesaja 19:9

8Folk frå Sidon og Arvad var roarar åt deg, dei kunnige av dine eigne, Tyrus, dei vart hovudsmennerne dine.

1. Mosebok 10:18, 1. Mosebok 10:18, 1. Kongebok 9:27, 1. Kongebok 9:27, Esekiel 27:11

9Dei øvste og visaste frå Gebal hadde du til å bøta lekarne dine. Alle havskip og deira sjømenner var i deg og handla med deg.

1. Kongebok 5:18, 1. Kongebok 5:18, Josva 13:5, Josva 13:5, Salmene 83:7

10Menner frå Persia, Lud og Put var i din her, dine stridsmenner. Skjoldar og hjelmar hengde dei upp i deg, dei gav deg pryda.

Esekiel 30:5, Esekiel 38:5, Esekiel 30:5, Esekiel 38:5, Jeremia 46:9

11Arvads søner og din eigen her var på dine murar rundt ikring, og gammaditar var i dine tårn. Sine skjoldar hengde dei på murarne dine rundt ikring; dei gjorde deg fulleleg fager.

Esekiel 27:3, Esekiel 27:4, Esekiel 27:3, Esekiel 27:4

12Tarsis handla med deg, av di du hadde so mykje gods. Sylv, jarn, tin og bly gav dei deg for varorne dine.

1. Mosebok 10:4, 1. Kongebok 10:22, Jesaja 23:10, Esekiel 38:13, 1. Mosebok 10:4

13Javan, Tubal og Mesek, deim hadde du til kræmarar; menneskje og koparkjerald gav dei deg i varebyte.

1. Mosebok 10:2, 1. Mosebok 10:2, Jesaja 66:19, Jesaja 66:19, Esekiel 39:1

14Frå Togarma-lyden fekk du vognhestar og ridehestar og muldyr for varorne dine.

Esekiel 38:6, 1. Mosebok 10:3, Esekiel 38:6, 1. Mosebok 10:3, 1. Krønikebok 1:6

15Dedans søner var kræmarane dine. Mange havstrender kjøpte av di hand; filsbein og ibenholt gav dei deg i skatt.

1. Kongebok 10:22, Åpenbaringen 18:12, 1. Mosebok 10:7, 1. Kongebok 10:22, Åpenbaringen 18:12

16Syria handla med deg, av di du hadde mang ein eignalut; karfunkelstein, purpur og manglita ty og fint linty og korallar og rubinar gav dei deg i varebyte.

Dommerne 10:6, Dommerne 10:6, Esekiel 28:13, Esekiel 28:13, Jesaja 7:1

17Juda og Israelslandet, dei var kræmarane dine; kveite frå Minnit og søt-kakor og honning og olje og balsam gav dei deg i varebyte.

Dommerne 11:33, Dommerne 11:33, 1. Kongebok 5:9, 1. Kongebok 5:9, 1. Mosebok 43:11

18Damaskus handla med deg, av di du hadde mang ein eignalut, ein ovmengd med allslags gods. Dei gav deg vin frå Hebron og kvit ull.

Jesaja 7:8, Jesaja 7:8, 1. Mosebok 14:15, Apostlenes gjerninger 9:2, Esekiel 47:16

19Vedan og Javan frå Uzal gav att for varorne dine; jarnsmide, kassia og kalmus fekk du i varebyte.

2. Mosebok 30:23, 2. Mosebok 30:24, 2. Mosebok 30:23, 2. Mosebok 30:24, Dommerne 18:29

20Dedan handla med deg med salklæde til å rida på.

1. Mosebok 25:3, 1. Mosebok 25:3, Esekiel 27:15, Esekiel 27:15

21Arabia og alle fyrstarne i Kedar kjøpte av di hand; lamb og verar og bukkar selde dei deg.

Jesaja 60:7, Jesaja 60:7, 1. Mosebok 25:13, 1. Mosebok 25:13, Apostlenes gjerninger 2:11

22Kræmarane i Sjeba og Rama, dei var dine kræmarar; krydda av aller gjævaste slag og allslags dyreverdige steinar og gull gav dei for varorne dine.

1. Mosebok 10:7, 1. Mosebok 10:7, Jesaja 60:6, Jesaja 60:6, Salmene 72:10

23Kharan og Kanne og Eden, kræmarane i Sjeba, Assur, Kilmad handla med deg.

2. Kongebok 19:12, 2. Kongebok 19:12, Jesaja 37:12, Jesaja 37:12, Amos 1:5

24Dei var dine kræmarar med prydelege eignating, med kåpor av purpurblått og manglita ty og med spriklute tæpe med tvinna sterke snøre på din marknad.

2. Kongebok 2:8, 2. Kongebok 2:8

25Med Tarsis-skip gjorde du kjøpstemnorne dine. Du vart fyllt og ovende rik - midt i havet.

Jesaja 2:16, Jesaja 2:16, Salmene 48:7, Jesaja 23:14, Salmene 48:7

26Utpå storhavet førde dine roarar deg - austanvinden bryt deg sund midt i havet.

Salmene 48:7, Salmene 48:7, Esekiel 26:19, Jeremia 18:17, Apostlenes gjerninger 27:14

27Ditt gods, dine salsvaror og bytevaror, dine sjøfolk, dine skiprar, dei som bøter lekarne dine, og dei som driv din handel, og kvar ein stridsmann som i deg er, med heile ditt mannskap som er um bord, skal stupa midt i havet den dagen du fell.

Ordspråkene 11:4, Ordspråkene 11:4, Esekiel 27:24, Esekiel 26:12, Esekiel 27:34

28For naudropi frå skiprarne dine skal markerne bivra.

Esekiel 26:10, Esekiel 26:10, Esekiel 26:15, Esekiel 26:18, Nahum 2:3

29Og dei skal stiga utor sine skip alle som med årarne sit, mannskapet og kvar skiper på havet, til land skal dei søkja.

Esekiel 26:16, Åpenbaringen 18:17, Åpenbaringen 18:24, Esekiel 32:10, Esekiel 26:16

30Dei skal barma seg yver deg og anka seg sårt. Og dei skal kasta mold på sine hovud, i oska skal dei velta seg.

Jeremia 6:26, Jeremia 6:26, Klagesangene 2:10, 2. Samuelsbok 1:2, Klagesangene 2:10

31Og dei skal raka seg snaude i kruna for di skuld og gyrda seg med sekk. Og dei skal gråta yver deg med sjælekvida og øya seg sårt.

Jesaja 22:12, Esekiel 7:18, Jesaja 22:12, Esekiel 7:18, Jesaja 16:9

32Og med dei barmar seg, skal dei setja i med ein syrgjesong yver deg og syrgjande kveda um deg: «Kven er lik Tyrus, som no er tagna midt uti havet?»

Esekiel 26:17, Esekiel 26:17, Esekiel 27:2, Åpenbaringen 18:18, Esekiel 27:2

33Medan varorne dine kom frå havet, metta du mange folkeslag. Med ovmengdi av ditt gods og med dine bytevaror gjorde du kongarne på jordi rike.

Åpenbaringen 18:19, Åpenbaringen 18:19, Jesaja 23:3, Jesaja 23:8, Esekiel 27:12

34No då du er skipbroten og burtkomen på sjøen og ligg på havsens botn, no er dine bytevaror og alt ditt mannskap søkkt i kav med deg.

Esekiel 27:26, Esekiel 27:27, Sakarja 9:3, Sakarja 9:4, Esekiel 27:26

35Alle som bur på havstrenderne, tek fæla av din lagnad; det rys deira kongar i holdet, deira andlit bivra.

Esekiel 32:10, Jesaja 23:6, Esekiel 32:10, Jesaja 23:6, Esekiel 26:15

36Kjøpmennerne ibland folkeslagi hæder deg; Ei skræma er du vorten, du er ikkje til - i all æva.

Jeremia 18:16, Jeremia 18:16, Jeremia 19:8, Salmene 37:10, Esekiel 26:21

Esekiel Chapter 27